Qyzylordada bir top kópbalaly ana ótken túndi oblys ákimdiginiń aldynda ótkizdi. Olar qala ákimdigi jaqynda úlestirgen qarjylaı kómek shyn muqtaj, jaǵdaıy tómen otbasylarǵa berilmedi dep ashyndy. Al eń soraqysy bul máselelerdi áýeli sheneýnikterge jetkizbek bolǵanymyzda, polıeıler kelip keıbirimizdi soqqyǵa jyǵyp ketti deıdi. Bul týraly «Adyrna» ulttyq portaly 31 arnaǵa silteme jasap habarlaıdy.
Qala ákimdiginen kómek surap baryp, aqyr sońy polıeıler urdy degen analar amalsyz tún ortasynda oblys ákimdigine jınalǵandaryn aıtady. Olar osynda túnep, aımaq basshysy Gúlshara Ábdiqalyqovany tań atqansha sol mańda kútemiz dep bekinip kelipti.
Aıtýlarynsha jaqynda qala ákimdigi kásipkerlermen birlesip, jaǵdaıy tómen otbasylarǵa qarjylaı kómek bergen. Al ashýly analar bul kómekti sheneýnikter ádil úlestirmedi deıdi. Olardyń qala ákimdigindegiler qulaq aspaǵan osy máseleni oblys ákiminiń ózine jetkizgisi keledi.
«56 adamǵa qarjylaı kómek berildi. Eń azy 50 myń teńgeden alǵan. Anadan ananyń aıyrmashylyǵy joq. Kómek berile me, shyn muqtaj adamdarǵa berilsin», - deıdi kópbalaly ana Janar Pirmanova.
Kópbalaly analardyń aıtýynsha, qala ákimdigine buǵan deıin de kómekke muqtaj ekenderin aıtyp birneshe ret jınalǵan. Al shendiler olardy quzyrly organ qyzmetkerlerin shaqyryp qorqytqan. Ol azdaı analardy ákimdik ǵımaratyna jaqyndatpaý úshin túrli qıturqylyqqa barǵan.
«Kópbalaly analar otyrǵan ǵımarattyń jaryǵyn sóndirdi de tastady. Tas qarańǵy boldy. Sol kezde 15-20 shaqty mılıııa ishke top ete qaldy. Mılıııalar degen malsha súıreıdi analardy», - dedi kóp balaly ana Raýshan Alshanbaeva.
Polıııa departamenti ótken túnde kóp balaly analarǵa tártip saqshylary tarapynan kúshpen qysym kórsetilmedi dep otyr. Al analar aıtqan qarjylaı kómekke qatysty qalalyq jáne oblystyq ákimdik ázirge pikir bildirmedi.
"Adyrna" ulttyq portaly
(foto Stan.kz saıtynan)
