Elimizde sybaılas jemqorlyqtyń oryn alýy jaıly habarlaǵan azamattarǵa beriletin syıaqy mólsheri artty. Bul týraly QR sybaılas jemqorlyqqa qarsy is-qımyl agenttiginiń elordalyq departamentindegi prevenııa jáne parasattylyq basqarmasynyń basshysy Marat Haırýllın elordadaǵy Antikor ortalyǵy alańynda onlaın ótken baspasóz máslıhatynda málimdedi, dep habarlaıdy «Adyrna» ulttyq portaly.
«Ekonomıkalyq yntymaqtastyq jáne damý uıymy elderiniń tájirıbesi boıynsha (Germanııa, Ulybrıtanııa, AQSh) syıaqy somasy saralanǵan somaǵa aınaldy. Endi para nemese keltirilgen zalal somasy 1 myń AEK-ten (2 mln 917 myń teńge) aspaıtyn sybaılas jemqorlyq quqyq buzýshylyq týraly habarlama úshin syıaqy (qylmystyń aýyrlyǵyna baılanysty) 30-dan 100 AEK-ke deıingi somany quraıdy. Kórsetilgen somadan artyq – syıaqy kólemi 10% - dy quraıdy, biraq 4 myń AEK-ten aspaıdy (11 mln 668 myń teńge) Buryn syıaqyny kótermeleýdiń eń joǵary mólsheri 100 aılyq eseptik kórsetkishten (291 myń 700 teńge) aspaıtyn», - deıdi ol.
Atalǵan syıaqy respýblıkalyq bıýdjet qarajaty esebinen júrgiziledi.
"Adyrna" ulttyq portaly
