2015 jyly QR Ulttyq mýzeıi «Ulttyq mýzeıge syı tartý» akııasyn bastaǵan bolatyn. Osynaý akııasy barysynda jınalyp, mýzeıdiń qorynan oryn alǵan jádigerlerdiń qatarynda el tarıhy úshin baǵasy artyq, quny ólsheýsiz Kenen Ázirbaevtyń dombyrasy men quran kitaby, Shámshi Qaldaıaqovqa 1965 jylǵy 4 aqpanda Shymkent oblysynyń jastary syıǵa tartqan «Kýban» pıanınosy men sazgerdiń qarakól bórigi, Ázilhan Nurshaıyqovtyń «Nikon» fotoapparaty, Ermek Serkebaevtyń 70 jyldyǵyna N.Nazarbaev syılaǵan qol saǵaty, Ózbegáli Jánibekovtiń «enzor» qaıshysy, Madına Eralıevanyń baıany, Jumeken Nájmedenovtiń kúlsalǵyshy, Roza Baǵlanovanyń sahnalyq kóılegi bar. Mýzeı qoryna alynǵan osynaý jádigerlerdiń barlyǵy arnaıy mamandardyń súzgisinen ótip, suryptaldy, qajet dep tabylǵany mýzeı restovratorlarynyń sheberhanasynda qalpyna keltirildi. Óńdeýden ótken jádigerler ekpozıııaǵa qoıyldy. Mýzeıge kelgen meımandar osynaý jádigerlerdi de tamashalap júr.
Kúlli qazaq dalasyndaǵy qundy jádigerlerdi jınaýdy maqsat tutqan Ulttyq mýzeı 2017 jylǵy 25 qyrkúıekte Soltústik Qazaqstan oblysynyń ortalyǵy Petropavl qalasynda da «Ulttyq mýzeıge syı tartý» akııasyn ótkizdi. Qyzyljar óńirinde ótken akııada Qojabergen jyraý, Shal aqyn, Toqsan bı Jabaıuly, Maǵjan Jumabaev syndy aqyn-jyraý, bı-sheshenderge arnalǵan kitaptar, olardyń fotosýretteri, Shoqan Ýálıhanovtyń ájesi Aıǵanymnyń qystaýynda qoldanylǵan as úı tegenesi mýzeı qoryna alyndy. Petropavlda ótken akııaǵa barlyǵy 21 adam qatysyp 236 jádigerdi Ulttyq mýzeıge tabystady.
«Ulttyq mýzeıge syı tartý» akııasy uıymdastyrylǵan Almaty, Qyzylorda, Aqtóbe, Shymkent, Qostanaı Oral qalalarynyń qataryna Qyzyljar óńiri de qosyldy. Aldaǵy ýaqytta elimizdiń ózge óńirlerinde de bul akııa ótkiziletin bolady.
QR Ulttyq mýzeıiniń baspasóz qyzmeti
