Aıda Balaeva aqparattyń qoljetimdiligi qalaı artatynyn túsindirdi

1962
Adyrna.kz Telegram

Aqparat jáne qoǵamdyq damý mınıstri Aıda Balaeva halyq aldyndaǵy eseptik kezdesýinde aqparatqa qol jetkizý múmkindikterin keńeıtýge baǵyttalǵan sharalardy atady, dep habarlaıdy «Adyrna» ulttyq portaly QazAqparatqa silteme jasap.

«Aqparatqa qol jetkizý máselesine Memleket basshysy óziniń Joldaýynda erekshe nazar aýdarǵany tegin emes. Aqparatqa qol jetkizý týraly zań qabyldanǵan sátten bastap oǵan tujyrymdamalyq ózgerister engizilmegen edi. Osyǵan baılanysty, qajetti túzetýler paketi ázirlendi, oǵan Prezıdent 2020 jylǵy 30 jeltoqsanda qol qoıdy», - degen mınıstr tujyrymdamalyq túzetýlerdiń basymdyqtaryna toqtaldy.

«Barlyq memlekettik organdarda aqparatqa qol jetkizý máseleleri boıynsha ýákiletti tulǵalar nemese bólimsheler aıqyndaldy. Bıyl alǵash ret Memleket basshysynyń aldyna Úkimet aqparatqa qol jetkizý salasynyń jaı-kúıi týraly esep engiziledi. Aqparat ıeleriniń tizimi keńeıtildi. Olardyń qataryna ortalyq jáne jergilikti atqarýshy organdardyń fýnkııalaryn oryndaýshylar jatady. Memlekettik organdarǵa normatıvtik-quqyqtyq akt jobalary men bıýdjettik baǵdarlama jobalaryn jarııa talqylaýdyń bastalǵany týraly aqparattyq habarlamalardy ınternet-resýrsta ornalastyrý jónindegi talap engizildi», - dedi Aqparat jáne qoǵamdyq damý mınıstri.

Pikirler