Elimizde I toptaǵy múgedektigi bar adamdarǵa kútim jasaıtyn azamattarǵa jańa járdemaqy túri engiziledi. Bul týraly Eńbek jáne halyqty áleýmettik qorǵaý mınıstri Serik Shápkenov aıtty, dep habarlaıdy «Adyrna» tilshisi.
Ol Májilis otyrysynda járdemaqyny engizý úshin daıyndyq jumystary júrgizilip jatqanyn atap ótti.
«I toptaǵy 66 myń múgedektiń ishinen árbir úshinshi adamǵa ne járdemaqy berilmeıdi ıa bolmasa jeke kómekshiniń qyzmetimen de qamtylmaǵan. Qujatta sebebine qaramastan kútim kórsetýshilerge jańa járdemaqy túrin engizý qaralǵan»,—dedi mınıstr.
Balanyń densaýlyǵynyń buzylý jáne tirshilik áreketiniń shektelý dárejesin eskere otyryp, zań jobasynda 7 jastan 16 jasqa deıingi balalardy múgedektik toptary boıynsha bólý kózdeledi. Bul shara kórsetiletin ońaltý is-sharalary men áleýmettik kómekti, onyń ishinde balalar aýrýynyń dárejesine qaraı járdemaqylar mólsheri bóliginde saralaýǵa múmkindik beredi.
Bul rette múgedektigi bar balalardyń barlyq toptary úshin járdemaqy mólsheri 16,7%-dan 37%-ǵa deıin ulǵaıtylady. Bul shara 30 myńnan astam múgedektigi bar balaǵa qatysty bolady.
«Adyrna» ulttyq portaly
