Elımızde I toptaǧy mügedektıgı bar adamdarǧa kütım jasaityn azamattarǧa jaŋa järdemaqy türı engızıledı. Būl turaly Eŋbek jäne halyqty äleumettık qorǧau ministrı Serık Şäpkenov aitty, dep habarlaidy «Adyrna» tılşısı.
Ol Mäjılıs otyrysynda järdemaqyny engızu üşın daiyndyq jūmystary jürgızılıp jatqanyn atap öttı.
«I toptaǧy 66 myŋ mügedektıŋ ışınen ärbır üşınşı adamǧa ne järdemaqy berılmeidı ia bolmasa jeke kömekşınıŋ qyzmetımen de qamtylmaǧan. Qūjatta sebebıne qaramastan kütım körsetuşılerge jaŋa järdemaqy türın engızu qaralǧan»,—dedı ministr.Balanyŋ densaulyǧynyŋ būzylu jäne tırşılık äreketınıŋ şektelu därejesın eskere otyryp, zaŋ jobasynda 7 jastan 16 jasqa deiıngı balalardy mügedektık toptary boiynşa bölu közdeledı. Būl şara körsetıletın oŋaltu ıs-şaralary men äleumettık kömektı, onyŋ ışınde balalar auruynyŋ därejesıne qarai järdemaqylar mölşerı bölıgınde saralauǧa mümkındık beredı.
Būl rette mügedektıgı bar balalardyŋ barlyq toptary üşın järdemaqy mölşerı 16,7%-dan 37%-ǧa deiın ūlǧaitylady. Būl şara 30 myŋnan astam mügedektıgı bar balaǧa qatysty bolady.
«Adyrna» ūlttyq portaly
