Aqtóbe oblysynda avtokólik jolaýshysy oqıǵa ornynda kóz jumdy

2578
Adyrna.kz Telegram

Aqtóbe oblysy  Temir aýdanynyń "Aqtóbe-Astrahan" avtojolynyń 189 shaqyrymynda "Reno Daster" markaly avtokóliginiń 49 jastaǵy júrgizýshisi qarsy jolaqqa shyǵyp,  "Kamaz-53212" markaly júk avtokóligimen soqtyǵysty dep habarlaıdy "Adyrna" ulttyq portalynyń tilshisi.

Jol-kólik oqıǵasy saldarynan "Reno Daster" avtokóliginiń 42 jastaǵy jolaýshysy oqıǵa ornynda kóz jumdy jáne eki jolaýshy Temir aýdanynyń ortalyq aýrýhanasyna jatqyzyldy.

Tekserý barysynda polıeıler "Reno Daster" avtokóligi júrgizýshisiniń ótken jyly mas kúıinde kólik júrgizgeni úshin 7 jylǵa kólik quralyn basqarý quqyǵynan aıyrylǵanyn anyqtady.

Atalǵan derek boıynsha búgingi kúni QR Qylmystyq Kodeksiniń 345-baby 3-bóligi "Jol qozǵalysy erejesin  buzý" boıynsha sotqa deıingi tergeý jumystary júrgizilýde.

Adam ólimine ákep soqqan jol-kólik oqıǵasyn jasaǵan júrgizýshi endi 5 jylǵa deıin bas bostandyǵynan aıyrylýy múmkin.

"Adyrna" ulttyq portaly.

Pikirler