Dúnıejúzilik densaýlyq saqtaý uıymy aldyn-ala málimetter boıynsha 2020 jyldyń aıaǵynda koronavırýstan qaıtys bolǵandardyń sany kem degende 3 mıllıon adamdy quraǵanyn aıtty, dep habarlaıdy «Adyrna» tilshisi CentralAsia-ǵa silteme jasap.
Sarapshylar ólimniń naqty kórsetkishteri resmı málimetterge qaraǵanda eki-úsh ese joǵary bolýy múmkin degen tujyrymdamaǵa kelgen.
Sondaı-aq, baıandamada koronavırýstyq pandemııa búkil álemdegi adamdardyń densaýlyǵy men ál-aýqatyna áli kúnge deıin qaýip tóndirip jatqany týraly aıtylǵan. DDU keıbir elderdiń ólim sanyn júıeli jáne dál baǵalaı almaıtyndyǵyn atap ótti.
Aıta keteıik, uıym statıstıkany neǵurlym dáıekti etý úshin Covid-19-dan, onyń ishinde janama ınfekııamen baılanysty ólim-jitimdi baǵalaýdyń jalpy ádisterin jasaıtyn arnaıy keńesshiler tobyn qurǵan bolatyn. Topqa álemniń ártúrli elderinen jetekshi demograftar, epıdemıologtar jáne statıstıka mamandary kirdi.
Sarapshylar aımaqtyq erekshelikterdi eskere otyryp, ár el úshin sanaý modelin jasady. Osylaısha ólim-jitimniń sany naqty eseptelmegenin anyqtady.
«Adyrna» ulttyq portaly