Elımızdegı erekşe esımder anyqtaldy. Olardyŋ arasynda Bäidıbekekspo, Sammit syndy esımder bar. Būl turaly «Adyrna» ūlttyq portaly Euraziia bırınşı arnasyna sılteme jasap habarlaidy.
Būrynǧy kezde ata-babalarymyz balanyŋ düniege kelgen uaqytyna qarai Nauryzbai, Boranbai, Joldybai degen esımder berse, bügınde säbige qoiylatyn erekşe esımder müldem basqa. Mysaly Qazaqstanda tūŋǧyş ret 2011 jyly ūiymdastyrylǧan Qysqy Aziia oiyndary uaqytynda elımızde tuǧan 40 näreste Aziiada esımın ielengen.
Sondai-aq elımızde Sammit esımdı 22 er bala, Sammita atty üş qyz, 15 Sammithan bar. Memlekettık maŋyzy bar oqiǧalardy qalt jıbermeitın äuletterde Astana, Nūrlyjol degen esımder de kezdesedı.
Al Yrsymovtar äuletınde 2017 jyly düniege kelgen balanyŋ esımı – Bäidıbekspo qoiylǧan.
Statistikalyq agenttıktıŋ aqparatyna süiensek soŋǧy uaqyttardaǧy erekşe esımderdıŋ tızbegı mynadai: Romeo, Teŋız, Edelveis, Aqsaqal Arystanbek, Sammidastana, Everest. Sonymen qatar 27 Mäslihat, 21 Mäjılıs, 13 Nūrlyjol, 9 Nūrotan, 7 Senat, 7 Partiia atty otandasymyz bar.
"Adyrna" ūlttyq portaly
