Keşe Qazaqstandaǧy AQŞ elşılıgı qazaqstandyqtardy LGBT qauymdastyǧyn qūrmetteuge şaqyrǧan bolatyn. Atap aitqanda, Nūr-Sūltan qalasyndaǧy elşılık ǧimarattyŋ qabyrǧasyna LGBT-qauymdastyǧynyŋ tuy ılındı. Amerikalyq diplomattar taratqan aqparatta 17 mamyr – gomofobiia, bifobiia jäne transfobiiaǧa qarsy (IDAHOBiT) kürestıŋ jyl saiynǧy Halyqaralyq künı ekenı aitylǧan, dep habarlaidy «Adyrna» ūlttyq portaly Azattyq Rýhy saityna sılteme jasap.
Bügın Almatyda «Namys» jastar qozǧalysy būl bastamaǧa qarsylyq aksiiasyn ötkızdı. Olar qaladaǧy AQŞ bas konsuldyǧynyŋ aldyna kelıp, «Tör qazaqtıkı, AQŞ elşılıgı esıŋdı ji. Būl äreketıŋ üşın keşırım sūrauyŋ kerek. Bız qazaqy qūndylyqtardy aiaqasty etpeudı talap etemız» dep ūrandatty. Belsendıler jastar qozǧalysynyŋ tuy men Qazaqstan Respublikasynyŋ memlekettık tuyn köterıp keldı.
«AQŞ demokratiianyŋ jalauyn jelpıp otyrǧanymen, tūtas bır ūlttyŋ, erlerı men batyrlary tuǧan qasiettı daladaǧy köşpelı halyqtyŋ, qaragöz qyzdary bar, barlyǧynyŋ müddesın taptap otyr. Qoǧamdaǧy az toptyŋ soiylyn soǧyp, olardyŋ sözın söileu – baryp tūrǧan arandatuşylyq. Öte kem dünie. Ony özderı ışterınen bılıp, kelısıp baryp jasap otyr.Men Qazaqstan Respublikasynyŋ azamaty retınde bırjynystylardyŋ bızdıŋ qoǧamnyŋ bır bölşegıne ainalǧanyn qalamaimyn. Öitkenı bız bolaşaq aldynda mındetımız bar: qūndylyqtarymyzdy saqtap, kelesı ūrpaqqa jetkızuge mındettımız. Sony aityp AQŞ konsuldyǧyna keldık. Naqty talaptar LGBT, geilerdı bızdıŋ elde nasihattaudy toqtatu jäne mäjbürlemeu. Sebebı tör bızdıkı, qazaq qonaǧyn törge şyǧarǧan. Bıraq basyna şyǧarmaǧan. Bızge osyny qabyldaudy mäjbürlep otyr. Naqty aitsaq, keşegı elşılıkke ılgen tu üşın keşırım sūrauyn talap etemız», - dedı «Namys» jastar qozǧalysynyŋ jetekşısı Azamat Joldanbaev. Almatydaǧy AQŞ bas konsuldyǧynyŋ qyzmetkerlerı qazaq jastarynyŋ jazbaşa talabyn qabyldap aldy jäne jaqyn künderı jauap beretının aitty. https://youtu.be/2gF4tdnFRfo
Rişat Asqarbekūly
