Baspa, radıo, ınternet-jýrnalıstıka salasyndaǵy úzdikterdi anyqtaý úshin «URKER – 2021» ulttyq báıgesine ótinim qabyldaý bastaldy, dep habarlaıdy «Adyrna» ulttyq portaly QazAqparatqa silteme jasap.
Respýblıka aýmaǵynda medıakontent óndiretin jáne taratatyn respýblıkalyq jáne óńirlik radıostanııalar, baspa jáne ınternet-basylymdar báıgege qatysa alady.
Ótinimderdi qabyldaý ýaqyty 2021 jyldyń 17 mamyrynan 15 maýsymyna deıin júzege asyrylady.
Konkýrstyq jumystar 2020 jyldyń 1 qarashasy men 2021 jyldyń 1 maýsym aralyǵynda jarııalanyp, basylymynda, ınternet-resýrsta jarııalanýy ne radıoefırde shyǵýy tıis. Ár úmitker báıgeniń tek eki nomınaııasyna qatysýǵa quqyly.
Ótinimder urker-awards.kz resmı saıtynda 11 nomınaııa boıynsha qabyldanady:
1. Jyldyń úzdik fotosýreti
2. Jyldyń úzdik reportajy
3. Jyldyń úzdik analıtıkalyq materıaly
4. Jyldyń úzdik jýrnalıstik zertteýi
5. Jyldyń úzdik suhbaty
6. Jyldyń úzdik tanymdyq materıaly
7. Radıostanııadaǵy úzdik joba
8. Jyldyń úzdik jańalyqtar portaly
9. Jyldyń úzdik gazeti
10. Jyldyń úzdik jýrnaly
11. Táýelsizdiktiń 30 jyldyǵyna arnalǵan úzdik materıal
Bıylǵy jyly uıymdastyrýshy komıtet elimizdiń Táýelsizdik jyldary qalyptasýyna arnalǵan jumystarǵa arnaıy nomınaııany engizdi.
Táýelsiz qazylar alqasynyń quramyna engen kásibı jýrnalıster, salanyń eńbek sińirgen qaıratkerleri jáne Ázirbaıjan men Germanııanyń halyqaralyq medıa-sarapshylary jumystardy baǵalaıtyn bolady.
Ulttyq báıge jeńimpazdary «Úrker» estelik músinshesiniń jáne bir mıllıon teńge mólsherindegi qarjylaı syılyqtyń ıegeri bolady.
Ulttyq báıge uıymdastyrýshylary - QR Aqparat jáne qoǵamdyq damý mınıstrligi, « Medıa damytý qory « korporatıvtik qory jáne «Qazmedıa ortalyǵy « basqrýshy kompanııasy.
«URKER» - baspa, radıo, ınternet-jýrnalıstıka salasyndaǵy úzdik jetistikter úshin beriledi, aımaqtardaǵy mýltımedııalyq jýrnalıstıkany damytýǵa yqpal etýge, jýrnalıstıka mártebesin arttyrýǵa, kásibı standarttar men krıterılerdi bekitýge, azamattyq belsendilikti arttyrýǵa baǵyttalǵan
