Eki aıdan keıin Atyraý qalasyndaǵy Nazarbaev Zııatkerlik mektebinde kún kózinen elektr qýatyn alatyn zamanaýı stanııa ornatylady.
Buǵan deıin elimizdiń Nur-Sultan, Almaty, Aqtaý jáne Oral qalalaryndaǵy Nazarbaev Zııatkerlik mektepterinde iske qosylǵan biregeı joba oqýshylardyń ǵylymı-zertteý áleýetin arttyrýǵa jáne bilim berý mekemesiniń elektr shyǵyndaryn azaıtýǵa múmkindik bermek. Bul biz úshin - “jasyl ekonomıkaǵa” kóshýdegi ıgi bastama, – dedi Atyraýdaǵy Nazarbaev Zııatkerlik mektebiniń dırektory Quralaı Ahmadıeva.
Eki jaqty kezdesýde taraptar kún stanııasyn qondyrý úshin mektep aýmaǵynda qolaıly oryndardy qarastyryp, qurylys jáne montaj jumystarynyń barysyn talqylady.
