Reseıdegi joıqyn terrorlyq aktta qaza bolǵandar sany artty

2953
Adyrna.kz Telegram

Qazan qalasyndaǵy atysta 11 adamnyń qaıtys bolǵany belgili boldy. Buǵan deıin 6, sodan soń 9 adamnyń ajal qushqanyn habarlaǵan bolatynbyz. Eki oqýshy úshinshi qabattan sekirip, kóz jumǵan.

Tatarstan Prezıdenti Rýstam Mınnıhanov 7 adamnyń qaıtys bolǵany týraly málimdedi. Onyń tórteýi – ul, úsheýi – qyz, barlyǵy da 8 synyp oqýshylary. Onyń sózinshe, 12 bala jáne 4 eresek adam aýrýhanaǵa jatqyzyldy.

Eske salaıyq, Djaýdata Faızı, 8 kóshesinde ornalasqan №175 mektepte belgisiz adamdar oq jaýdyrdy.

Málimetter boıynsha, shabýyl jasaǵan jasóspirimder bolyp shyqty. Olardyń biri qolǵa tústi.

Dál qazirgi ýaqytta evakýaııalanǵan balalarmen psıhologtar jumys istep jatyr.

Oqıǵa ornyna 21 jedel járdem brıgadasy jiberildi. Sonymen qatar Mınnıhanov, respýblıkanyń densaýlyq saqtaý mınıstri Marat Sadykov jáne oblys prokýrory Ildýs Nafıkov ta bardy.

"Adyrna" ulttyq portaly

Pikirler