Pavlodar oblysynyń QAJ mekemesinde sottalǵandardyń biri pedofılııa úshin bas bostandyǵynan aıyrylǵan qylmyskerdi óltirgen, dep habarlaıdy «Adyrna» tilshisi. Bul týraly oblystyń qylmystyq-atqarý júıesi departamenti málimdedi.
«8 mamyrda Pavlodar oblysy boıynsha qylmystyq-atqarý júıesi departamentiniń AP-162/4 qaýipsizdigi barynsha joǵary mekemesinde kisi óltirgeni úshin jazasyn ótep jatqan 44 jastaǵy sottalǵan janjal nátıjesinde basqa qamaýdaǵy adamǵa qasaqana dene jaraqatyn salǵan. Oqıǵa mekemeniń sanıtarlyq torabynyń ǵımaratynda keshki ýaqytta bolǵan. Zardap shegýshi medıınalyq kómekke jáne mekeme ákimshiligine shaǵymen jáne ótinishtermen júginbegen. Alǵan jaraqattarynyń nátıjesinde sottalǵan adam 9 mamyrda jasaqtaǵy óz jatyn ornynda qaıtys boldy»,– delingen habarlamada.
Shuǵyl shaqyrylǵan jedel járdem brıgadasy QR Qylmystyq kodeksiniń 120-baby 3-1-bóligi, 1-tarmaǵy (Zorlaý) boıynsha jazasyn ótegen adamnyń qaıtys bolǵanyn anyqtady.
Aıta keteıik, mán-jaıdy anyqtaý maqsatynda oqıǵa ornyna tergeý-jedel toby, prokýratýra, ózindik qaýipsizdik qyzmeti jáne QAJ departamentiniń ókilderi keldi. Sondaı-aq, ulttyq aldyn alý tetiginiń jáne qoǵamdyq baqylaý komıssııasynyń qatysýshylary shaqyrylǵan.
«Adyrna» ulttyq portaly
