Indonezııa turǵyny týǵan ulyna erekshe esim berip, álem nazaryna ilikti. Ol ulyn súıikti jumysynyń qurmetine «Aqparattyq kommýnıkaııalardyń statıstıkalyq basqarmasy» dep ataǵan, dep habarlaıdy «Adyrna» ulttyq portaly nege.kz saıtyna silteme jasap.
Onyń ákesi - Samet Vahıýdı esimdi Indonezııa turǵyny bolyp shyqty. Samet óz jumysyn qatty jaqsy kóretini sonshalyq, balasyna jumysynyń ataýyn esim retinde berýdi uıǵarǵan. Samettiń áıeli kúıeýiniń bul oıy týraly áý bastan bilip kelgen eken. Alaıda onyń sheshimine kónýden basqa amaly bolmapty.
Olardyń tuńǵyshy qyz bala bolǵasyn, Samet oǵash esimdi oǵan bere almaǵan. Alaıda ekinshisi ul bala bolǵan sátte Samet birden óz oıyn júzege asyryp, balasyn «Aqparattyq kommýnıkaııalardyń statıstıkalyq basqarmasy» dep ataıdy. Náreste dúnıege kele salysymen, esiminiń arqasynda jergilikti turǵyndar arasynda erekshe tanymaldyqqa ıe bolǵan. Buqaralyq aqparat quraldary sábı týraly jarysa jazýda. Kópshilik náresteni Dınko degen qysqa esimmen ataýdy ádetke aınaldyrǵan eken.
Dese de Samet uly erjetkende óz esimin maqtan tutatynyna senimdi. Al jeli qoldanýshylary bolsa, er adamnyń bul sheshimin quptaı qoımady. Olar balasy ósse ákesin mundaı esim bergeni úshin sotqa berýi yqtımal degen boljamdaryn alǵa tartty.
"Adyrna" ulttyq portaly
(Foto ren.tv saıtynan)
