Biyl, säuırdıŋ 29-ynda Altaidyŋ qyrany, qahaqtyŋ qaharmany
Ospan batyrdyŋ qazasyna 70 jyl tolady. Ospan batyr – Alty Alaşqa ūran boluǧa laiyq tūlǧa. Batyrlardyŋ soŋǧy tūiaǧy desek te bolady. Alaida, batyr babamyzdy laiyqty deŋgeide ūlyqtap jürmız be?
Nar tūlǧalardyŋ esımın köşelerge, daŋǧyldarǧa, mektepterde, auyldarǧa, audandarǧa beru ädetke ainaldy. Tarihta ız qaldyrǧan azamattardyŋ esımderı
qala men auyldyŋ kartalarynda köşelerdıŋ ataulary bolyp qalady.
Jetpıs jyl būryn, 29 säuır 1951 jyly Ürımjı qalasynda atylǧan Ospan batyrdyŋ esımı elımızdıŋ astanasynda, naqty aitqanda qalanyŋ şetınde ornalasqan İlinka eldı mekenınde kışkentai köşesıne berılgen. Oǧan qosa,
batys aimaǧymyzdyŋ ortalyǧynda, Oral qalasynda, geografiialyq jaǧynan Europaǧa jatatyn Aqjaiyqtyŋ oŋ jaǧynda Ospan batyrdyŋ köşesı bar.
Al elımızdıŋ oŋtüstık astanasy bolyp sanalǧan, Qazaqstannyŋ eŋ ırı qalasy – Almaty şaharynda nege Ospan batyrdyŋ atynda bır de bır köşe joq? Batyrǧa laiyq Almatynyŋ törınde bır jaqsy köşe tabylmady ma?
Tym bolmasa, qalanyŋ şetınde bır kışkentai köşege Ospannyŋ atyn bermei me? Mysaly, qaimaǧy būzylmaǧan qazaq auylynyŋ iısı aŋqyǧan Şaŋyraq, Ūljan, Darhan, Äigerım siiaqty kıleŋ qazaq, sonyŋ ışınde Ospannyŋ ar jaqtaǧy Altai elınen Atajūrtqa kelgen qandastar şoǧyrlanǧan audandarda
Ospan batyrǧa bır köşe būiyrmady ma?
Altaida tuyp ösken, qazaq üşın saitanmen de kelısuge daiynmyn dep jürgen, qazaqtyŋ elın, qolyn bastaǧan, tu köterıp qazaq ūltynyŋ müddesı
üşın ömırın küreste ötkızgen, öz auylynyŋ, öz ruynyŋ soiylyn emes, bükıl qazaq halqynyŋ, Alty Alaştyŋ soiylyn soiǧan myŋ jylda bır tuatyn qasqa batyr ūlyqtauǧa äbden laiyq nar tūlǧa.
Ospannyŋ kelbetı – qazaqtyŋ kelbetı. Ospannyŋ ruhy – qazaqtyŋ ruhy.
Ospannyŋ ömırı häm taǧdyry – qazaqtyŋ jyr-dastany, al batyrdyŋ özı – aŋyz adam dep ataluǧa laiyq eldıŋ erı. Ospannyŋ esımı Kenesary, İsatai, Mahambet, Amangeldı, Qabanbai, Raiymbek siiaqty qatarynda tūrady.
Ospan Sılämūlyn qazaq ǧana emes, Türkiia syilap, qaharman dep tanyp jür,
jyl saiyn qaza tapqan künınde batyrdy eske aluyn ūmytpaidy.
Jaqynda ǧana Almatyda 100 köşege esım berıldı eken, taǧy 7 köşege esım berıledı eken. Solardyŋ arasynda batyr babamyzdyŋ esımı joq.
Ospan batyrdyŋ esımı köşege beruge laiyq siiaqty, qala basşylyǧynyŋ qūlaǧyna altyn syrǧa bolsyn.
Asqar BAIBÖRI
