2020 jylǧy nauryz aiynda Qazaqstanda koronaviruspen auyrǧan alǧaşqy adam anyqtaldy.
23 nauryzda nauqastardan patologiialyq materialdar alyndy. Materialdan COVID-19 virusy bölınıp, onyŋ biologiialyq qasietterı zertteldı. Osy uaqyttan bastap qazaqstandyq ǧalymdar bırden vaksina äzırlei bastady.
9 mamyrda ǧalymdar QazVac (QazCovid-in) vaksinasyn äzırlep şyǧardy.
15 mamyrda Densaulyq saqtau ūiymy ony kandidattyq vaksina retınde tırkedı jene ǧalymdar zerthanalyq januarlarǧa egu arqyly klinikaǧa deiıngı zertteudı bastady.
Mausym aiynda QR Densaulyq saqtau ministrlıgınıŋ Därılık zattardy saraptau ūlttyq ortalyǧy zertteudıŋ oŋ nätijelerın moiyndady.
Şıldede ǧalymdar özderı jasap şyǧarǧan QazVac (QazCovid-in) vaksinasyn alǧaşqy bolyp özderıne salǧyzdy.
17 qyrküiekte 44 erıktınıŋ qatysuymen I kezeŋnıŋ klinikalyq zertteulerı bastaldy. Nätijesınde vaksina joǧary qauıpsızdıgın körsettı, erıktılerdıŋ jaǧdaiy qalypty.
17 qazanda klinikalyq zertteulerdıŋ II kezeŋı bastalyp, oǧan 200 erıktı qatysty. Nätijesınde vaksina joǧary immunogendılık pen tiımdılıgın körsettı.
19 jeltoqsanda Densaulyq saqtau ministrlıgı klinikalyq zertteulerdıŋ soŋǧy III kezeŋın jürgızuge rūqsat berdı, onyŋ aiasynda 3 myŋ erıktıge QazVac (QazCovid-in) vaksinasy salyndy.
Vaksina 21 kün aralyqpen 2 ret egıledı. Erıktılerdıŋ qanynda qajettı qorǧanys antidenelerı paida boldy.
QR Bılım jäne ǧylym ministrı Ashat Aimaǧambetov, S. J. Asfendiiarov atyndaǧy QazŪMU rektory Talǧat Nūrǧojin, Jambyl oblysynyŋ äkımı Berdıbek Saparbaev QazVac (QazCovid-in) qazaqstandyq vaksinasyn klinikalyq synaqtardan tys özderıne salǧyzdy.
