2020 jylǵy naýryz aıynda Qazaqstanda koronavırýspen aýyrǵan alǵashqy adam anyqtaldy.
23 naýryzda naýqastardan patologııalyq materıaldar alyndy. Materıaldan COVID-19 vırýsy bólinip, onyń bıologııalyq qasıetteri zertteldi. Osy ýaqyttan bastap qazaqstandyq ǵalymdar birden vakına ázirleı bastady.
9 mamyrda ǵalymdar QazVac (QazCovid-in) vakınasyn ázirlep shyǵardy.
15 mamyrda Densaýlyq saqtaý uıymy ony kandıdattyq vakına retinde tirkedi jene ǵalymdar zerthanalyq janýarlarǵa egý arqyly klınıkaǵa deıingi zertteýdi bastady.
Maýsym aıynda QR Densaýlyq saqtaý mınıstrliginiń Dárilik zattardy saraptaý ulttyq ortalyǵy zertteýdiń oń nátıjelerin moıyndady.
Shildede ǵalymdar ózderi jasap shyǵarǵan QazVac (QazCovid-in) vakınasyn alǵashqy bolyp ózderine salǵyzdy.
17 qyrkúıekte 44 eriktiniń qatysýymen I kezeńniń klınıkalyq zertteýleri bastaldy. Nátıjesinde vakına joǵary qaýipsizdigin kórsetti, eriktilerdiń jaǵdaıy qalypty.
17 qazanda klınıkalyq zertteýlerdiń II kezeńi bastalyp, oǵan 200 erikti qatysty. Nátıjesinde vakına joǵary ımmýnogendilik pen tıimdiligin kórsetti.
19 jeltoqsanda Densaýlyq saqtaý mınıstrligi klınıkalyq zertteýlerdiń sońǵy III kezeńin júrgizýge ruqsat berdi, onyń aıasynda 3 myń eriktige QazVac (QazCovid-in) vakınasy salyndy.
Vakına 21 kún aralyqpen 2 ret egiledi. Eriktilerdiń qanynda qajetti qorǵanys antıdeneleri paıda boldy.
QR Bilim jáne ǵylym mınıstri Ashat Aımaǵambetov, S. J. Asfendııarov atyndaǵy QazUMÝ rektory Talǵat Nurǵojın, Jambyl oblysynyń ákimi Berdibek Saparbaev QazVac (QazCovid-in) qazaqstandyq vakınasyn klınıkalyq synaqtardan tys ózderine salǵyzdy.
