Qazaqstanda naqty jalaqynyŋ mölşerı 221 myŋ teŋgege deiın ösedı. Būl turaly premer-ministr Asqar Mamin mälımdedı, dep habarlaidy «Adyrna» ūlttyq portaly Sputnik Qazaqstan saityna sılteme jasap.
Ol biyl jūmyspen qamtuǧa järdemdesu şaralarymen 1,2 million adam qamtylatynyn atap öttı.
«Naqty jalaqynyŋ mölşerı 10 paiyzǧa, iaǧni 221 myŋ teŋgege deiın artady dep josparlanyp otyr. Jūmyssyzdyq deŋgeiı 4,9 paiyzdan aspaidy», - dedı Mamin ükımet otyrysynda.Aituynşa, Pavlodar, Qaraǧandy jäne Atyrau oblystarynda tūraqty jūmys oryndaryn qūru boiynşa jūmys qarqyny jaqsy. Osy rette premer özge öŋırlerge de osy jūmysty belsendı jalǧastyrudy tapsyrdy. Ol üşın barlyq qūraldar men qajettı resurstar bar, dedı ükımet basşysy.
«Bastau biznes» jobasy tiımdılıgın körsettı. Biyl 30 myŋ adamdy käsıpkerlık negızderıne oqytu josparlanyp otyr. «Atameken» palatasy eŋbek ministrlıgımen bırlesıp, bılım aluşylardyŋ sanyn köbeitsın», dedı - Mamin.Premer-ministr «Eŋbek» ūlttyq jobasy ekonomika salalaryn sapaly bäsekege qabılettı eŋbek resurstarymen qamtamasyz etuge tiıs dep sanaidy. Osyǧan bailanysty ol eŋbek ministrlıgıne 1 mausymǧa deiın 2021-2025 jyldarǧa arnalǧan «Eŋbek» ūlttyq jobasyn ükımetke engızudı tapsyrdy. Ūlttyq ekonomika, eŋbek ministrlıkterı men äkımdıkter 1 şıldege deiın jūmyspen qamtudyŋ öŋırlık kartalaryn äzırleuge tiıs. Mamin jūmyspen qamtudyŋ josparly körsetkışterıne qol jetkızuge jäne tūraqty jūmys oryndaryn qūruǧa erekşe nazar audaru qajet ekenın aitty. Sondai-aq qūzyrly organdar men äkımdıkterge «Eŋbek» jobasynyŋ ıs-şaralaryn qarjylandyrudy qamtamasyz etu mındetı jükteldı.
