Qyrǧyzstannyŋ Üzgen jäne Qarasu audanynyŋ halqy säuır aiynyŋ 14-nen bastap miting ūiymdastyryp jatyr. Olar Özbekstanǧa su qoimasynyŋ maŋyndaǧy jerdı beruge qarsylyq bıldırude.
Mitingke şyǧuşylar sany 4 myŋnan asady. Olar Kempır-Abad su qoimasynyŋ maŋyndaǧy jerdı Özbekstanǧa beruge qarsylyq tanytuda. 23-25 nauryz künderı Qyrǧyzstannyŋ bilık ökılderı Taşkentke baryp, ekı el arasynda jyldar boiy şeşımın tappaǧan şekara mäselesın retteu boiynşa kelıssözder ötkızdı. Taraptar mäselenı tolyq şeşu üşın bırneşe jer aumaǧyn almasuǧa kelıstı. Ekı el azamattary būl şeşımdı är türlı qabyldady. Bır tarap qoldasa, ekınşı tarap qarsylyq bıldırıp jatty. 14-säuırden bastap su qoimasynyŋ maŋyndaǧy auyl tūrǧyndary ūzaq merzımdı mitingke şyqty. Olardyŋ talaptaryn tyŋdap, kelıssözge kelu üşın Qyrǧyzstannyŋ Ūlttyq qauıpsızdık komitetınıŋ basşysy Qamşybek Taşiev narazy topqa bırneşe märte keldı. Ol su qoimasynyŋ maŋyndaǧy 50 gektar jerdı emes, 20 gektar jerdı beru boiynşa qaita kelıssöz ötkızuge Taşkentke ūsynys tastaitynyn jetkızdı. Alaida būl ūsynys halyqty tynyştandyrǧan joq. Saldarynan auqymdy mitingter qaita jalǧasyn tapty. 25-säuır künı ŪQK basşysy Taşiev narazy halyqpen kezektı märte kezdestı. Kezdesu barysynda halyq pen ŪQK basşysynyŋ arasynda pıkır qaişylyǧy baiqaldy.
Üzgen audanynyŋ tūrǧyny mikrofondy alyp, Qamşybek Taşievke: «Bız sızdı qoldadyq. Al qazır sızdı qoldaityndar mülde qalmady...Būl bızdıŋ ata-babamyzdyŋ jerı, būl Qyrǧyzstannyŋ jerı. Üzgen jerınde myna tūrǧan bızder östık. Qalaişa sızder būl jerdı bıreuge bermeksızder?! Bız oǧan rūqsat bere almaimyz. Bızdıŋ özımızge būl jer jetpeidı. Sızdıŋ ata-anaŋyzdyŋ, babalaryŋyzdyŋ jerın alyp, sony bereiık. Sol jerlerdı berıŋız», - dedı.
Būl sözderdı estıgen ŪQK basşysy Qamşybek Taşiev mikrofondy tūrǧynnyŋ qolynan jūlyp alyp, ata-anasyna tıl tigızbeudı sūrady. «Menıŋ ata-anama tıl tigızbeŋızder. Olarǧa qatysty ne aitylyp, ne jazylyp jatqanyn estıp, körıp jürmın. Tıptı atam men äjeme deiın tıl tigızıp jatyr. Menıŋ äkeme tıl tigızıp, şabuyl jasaǧandardyŋ tılın suyryp alamyn. Ata-anama şabuyl jasaǧan kez kelgenın söitemın. Qazır myna jerde 20-30 adam aiǧailap tūr, meilı 100, meilı 1000 adam bolsyn... Bıraq menı jüz myŋdaǧan, milliondaǧan halyq qoldaǧan. Tärtıptı bolaiyq. Myna jerdı aqsaqaldarymyz otyr. Sızderge barlyǧyn aitu üşın jaqsy piǧylmen kelıp tūrmyn ǧoi», - dedı ŪQK basşysy.
Qyrǧyzstan men Özbekstan arasyndaǧy jer dauy 1991-jyldan berı jalǧasyp keledı. Däl osyndai jaǧdai körşıles Täjıkstanmen de qaitalanuda. Şekara maŋynda jyl saiyn jerge bailanysty qaqtyǧystar bolyp tūrady.
Ashat QASENǦALİ,
"Adyrna" ūlttyq portaly
