QR Bilim jáne ǵylym mınıstrligi Ǵylym komıtetiniń tóraǵasy bolyp Ábdirásilov Bolatbek Serikbaıuly taǵaıyndaldy, dep habarlaıdy Ǵylym komıtetiniń baspasóz qyzmeti.
Bolatbek Serikbaıuly Ábdirásilov 1958 jyly Qyzylorda oblysy Qyzylorda qalasynda týǵan. Bıologııa ǵylymynyń doktory (1997), Halyqaralyq aqparat akademııasy (1998), Qazaqstan Respýblıkasynyń joǵary mektebi jáne Halyqaralyq Joǵary mektebi ǵylymı akademııasynyń akademıgi (2002).
Qazaqstan Bilim berý isiniń úzdigi. Qyzylorda pedagogıkalyq ınstıtýtyn (1979, qazirgi Qyzylorda memlekettik ýnıversıteti) jáne KSRO Ǵylym Akedemııasynyń Bıofızıka ınstıtýtynyń aspırantýrasyn (1986) bitirgen.
Qazirgi Qyzylorda memlekettik ýnıversıtetinde dekan, prorektor jáne Qyzylorda gýmanıtarlyq ýnıversıtetiniń rektory qyzmetterin (1986-1998) atqarǵan.
Qazaqstan Respýblıkasynyń Bilim jáne ǵylymı mınıstrliginde departament dırektory (1998). Bilim jáne ǵylym salasyndaǵy qadaǵalaý jáne attestattaý komıtetiniń tóraǵasy (2004-2007).
2007 jyldan Qazaqstan Respýblıkasynyń Prezıdenti Ákimshiliginde jaýapty qyzmet atqardy. 2010 jyly Memleket basshysynyń Ókimimen Bolatbek Serikbaıuly Ábdirásilov Qazaqstan Respýblıkasynyń Bilim jáne ǵylym mınıstrliginiń jaýapty hatshysy qyzmetine taǵaıyndaldy.
2012 jyldan beri QR Prezıdenti janyndaǵy Memlekettik basqarý akademııasynyń rektory qyzmetin atqaryp keldi. Ábdirásilov 40-tan astam ǵylymı eńbektiń, onyń ishinde 1 monografııanyń avtory. «Qurmet» ordenimen (2005) marapattalǵan.
"Adyrna." kz
