Parlament májilisiniń depýtaty, «Aq jol» frakııasynyń múshesi Maqsat Ramanqulov qarapaıym qyzmetkerlerdiń jalaqysyn kóterýdi usyndy. Aıtýynsha, jyl saıyn ınflıaııa qysyp bara jatsa da, sanıtar, eden jýýshy, jedel járdem júrgizýshisi syndy tehnıkalyq qyzmetkerler 60 myń teńgege kúneltip júr, dep habarlaıdy KTK arnasy.
«Jedel járdem júrgizýshileriniń jalaqysy shamamen 70-75 myń teńge jáne ol bes jyldan astam ýaqyt boıy joǵarylaǵan joq. Mektepter men balabaqsha tehnıkalyq qyzmetkerleriniń jalaqysy shamamen 50 myń teńge. Mundaǵy qyzmetkerlerdiń kópshiligi óz jumysyn adal atqarady jáne ondaǵan jyl boıy osylaı jumys isteıtin shynaıy entýzıasttar», - deıdi Maqsat Ramanqulov.
Depýtattyń aıtýynsha, jyl saıyn muǵalimder men dárigerlerdiń jalaqysy 20-30 paıyzǵa artyp jatady. Al olardyń qasyndaǵy jaı qyzmetkerler, ıaǵnı, sanıtarlar, assıstentter, eden jýýshylar, jedel járdem júrgizýshileri, murajaı, óner, mektep, balabaqsha, kitaphana, muraǵat salasyndaǵy ózge de qyzmetkerler nazardan tys qalýda.
Tipti tarıhshylar, ónertanýshylar arasynda joǵary bilimi bar qyzmetkerlerdiń ortasha jalaqysy 60 myń teńgeniń aınalasynda, deıdi ol.
Májilismenniń sózinshe, aılyqtyń azdyǵynan osy sanattaǵy qyzmetkerler ıpotekalyq úıge qoly jetpeı, ondaǵan jyl boıy jaldamaly páterde júr.
"Adyrna" ulttyq portaly
