Densaulyq saqtau ministrlıgı koronavirusqa qarsy vaksinanyŋ bırınşı dozasynan keiın tūmau tigen jaǧdaida ne ısteu kerektıgın tüsındırdı, dep habarlaidy «Adyrna» ūlttyq portaly Sputnik Qazaqstan saityna sılteme jasap.
Sanitarlyq-epidemiologiialyq baqylau komitetı töraǧasynyŋ orynbasary Zäure Ahmetovanyŋ aituynşa, ekpeden keiın tūmau tigenı anyqtalsa, ekı aidyŋ ışınde ekınşı komponentın aluǧa bolady.
«Bırınşı ekpeden keiın adam koronavirusqa emes, basqa bır infeksiiaǧa şaldyqsa, tolyǧymen jazylyp şyqqannan keiın 60 künnıŋ ışınde vanksinanyŋ ekınşı komponentın qabyldauǧa bolady. Al koronavirusty jūqtyrsa, alty ai ötuı kerek», – dedı Ahmetova ortalyq kommunikasiialar qyzmetınde ötken onlain brifingte.Osy oraida maman jüktılıktı josparlau mäselesın de tüsındırdı. Onyŋ aituynşa, koronavirustyŋ ekı dozasyn alǧannan keiın 1,5-2 ai ötuı tiıs. Sol kezde virusqa qarsy immunitet tolyǧymen qalyptasady. Jüktılıktı de josparlauǧa bolady.
«Al äieldıŋ vaksina saldyrǧannan keiın jüktı bolǧany anyqtalsa, ekınşı komponenttı aludyŋ qajetı joq», – dep atap körsettı Ahmetova.Aita keteiık, bügınde respublika boiynşa reseilık «Sputnik V» vaksinasy egılıp jatyr. Osy aidyŋ soŋynda qazaqstandyq «QazVac» vaksinasynyŋ alǧaşqy partiiasy öŋırlerge jetkızıledı degen jospar bar.
