Bauyrjan Baibek belsendı Janbolat Mamaidyŋ aiyptaularyn «jala» dep, ony sotqa beretının aitty. Tıkelei efirde sūhbat bergen Baibek «Mamai demokratiianyŋ jauapkerşılık ekenın tüsınuı kerek» dep eskerttı. Al öz kezegınde belsendı Janbolat Mamai şeneunıktı debatqa şaqyrdy, dep habarlaidy «Adyrna» ūlttyq portaly The Qazaq Times saityna sılteme jasap.
Būǧan deiın Janbolat Mamai jurnalistık zertteuınde Almaty qalasynyŋ būrynǧy äkımın qaladaǧy bırqatar «jemqorlyq ısterge» qatysy bar dep aiyptaǧan bolatyn. Keiınnen bloger Täŋırbergen Berdıoŋǧarovtyŋ Youtube arnasynda qonaq bolǧan Bauyrjan Baibek būl mälımdemege jauap berdı.
Sūhbatta Qazaqstannyŋ bırınşı prezidentı Nazarbaevtyŋ «naqyl sözın» keltırgen Baibek: «Elbasy ärdaiym aitatyn, «eger aryŋ taza bolsa, oǧan senımdı bolsaŋ, ädıl sotta ar-namysyŋdy qorǧa» dep. Bız demokratiialyq memleket qūryp jatyrmyz. Bıraq demokratiia anarhiia emes, zaŋsyzdyq emes. Būl – zaŋnyŋ üstemdıgı. Är adamnyŋ öz atyn, abyroiyn qorǧauǧa konstitusiialyq qūqyǧy bar. ...Ol özınıŋ saiasi karerasyn qūrtty. Jıktep aitatyn bolsaq, endıgı «saiasi ölık» deuge bolady. Partiianyŋ kodeksı men jarǧysyna sai bügın ony azamattyq, äkımşılık ıs jürgızu şeŋberınde sotqa beretınımdı resmi mälımdeimın. Būlai bolmauy kerek dep esepteimın. Men būl ärekettı bolaşaqta Mamai siiaqty adamdar kınäsız adamdardy aiyptamas üşın jasaimyn», – dedı.Sonymen qatar şeneunık özıne – jüz emes, on şaqty kompaniia ǧana tiesılı ekenın, bärınıŋ deklarasiiaǧa engenın atap ötıp, sol üşın salyq töleitının de aitqan. Nur Otan partiiasy töraǧasynyŋ bırınşı orynbasary Baibek Mamaidyŋ mälımdemesıne pıkır bıldırgende taǧy bır märte Nazarbaevty tılge tiek etken. «2015 jyly Elbasy bes institusionaldyq reformaǧa bastama boldy, instituttar turaly aitty. Qasym-Jomart Kemelūly būl ideiany damytyp, halyq ünıne qūlaq asatyn memlekettıŋ tūjyrymdamasyn jasady. Estitın memleket – būl jai ǧana estu emes, sonymen qatar jauap beru. Men memlekettık qyzmetker emespın, şyn mänınde men ony ısteuge mındettı emespın», – dedı ol. Osylaişa, Almaty qalasynyŋ būrynǧy äkımı belsendını sotqa beretının aitty.
Al şeneunıktı debatqa şaqyrǧan Janbolat Mamai özınıŋ Facebook paraqşasynda: «Ol menı sotqa beremın dep otyr ǧoi. Bıraq Qazaqstanda ädılettı sot joq. Qazaqstandyq sottardyŋ barlyǧy Nur Otan basşylyǧy qolynda. Atqaruşy bilık ne aitady, tura sondai şeşım şyǧarady. Sondyqtan Baibekke aitqym keledı: eger jasyratyn eşteŋesı bolmasa, eger osy Nur Otan partiiasynyŋ jasap jatqan ısterınıŋ barlyǧyn dūrys dep sanasa, onda ol menımen tıkelei efirde debatqa şyqsyn. Nur Otan-ǧa qatysty, eldıŋ damuyna qatysty, özınıŋ jemqorlyq ısterıne qatysty, jer dauyna qatysty osy mäselelerdıŋ barlyǧyn tıkelei efirde halyq aldynda aşyq talqylaiyq», – dedı.
