Nur-Sultanda er adam óz-ózine qol jumsamaq nıette kópirden ózenge sekirgen qyzdy aman saqtap qaldy, dep habarlaıdy "Adyrna" ulttyq portaly elorda DP baspasóz qyzmetine silteme jasap.
Habarlanǵandaı, 20 sáýirde saǵat 11.16-da «Nur-Sultan» DP jedel basqarý ortalyǵynyń «102» nómirine Qazaqstan SK mańyndaǵy kópirden qyz ózenge sekirip ketti degen habarlama kelip tústi. Oqıǵaǵa 38 jastaǵy Denıs Sındeev kýá boldy.
«Men jaqyn jerde turdym jáne bir kezde adamdardyń kópirden sýǵa sekirdi degen aıqaılaryn estidim. Jaqynyraq júgirip bara jatsam, sýda qalqyp bara jatqan qyzdy kórdim. Men esh oılanbastan syrtqy kıimderimdi sheship, ózenge sekirdim», deıdi Denıs.
Qyzǵa júzip jetken qutqarýshy ony ustap alyp, jaǵaǵa shyǵaryp, dárigerlerge tapsyrdy. Qazir qyzdyń ómirine qaýip tónip turǵan joq.
Oqıǵanyń mán-jaıyn Nur-Sultan polıııasy zerttep jatyr. Elorda polıııasynyń bastyǵy general-maıor Erjan Sadenov Denıs Sındeevke erligi úshin alǵys aıtyp, alǵys hat pen baǵaly syılyq tapsyrdy.
"Adyrna" ulttyq portaly
