Qazaq qyz bolaşaǧy bütın bır eldıŋ bolaşaǧy dep tüsıngen soŋ, qyzdyŋ tärbiesıne eşqaşan qyryn qaramaǧan. Qyzyn erteŋ aiauly jar, ibaly kelın, abzal ana atansyn dep, bala kezden ūltymyzǧa tän qasietterdı boiyna sıŋıruge tyrysqan. «Qyzǧa qyryq jerden tyiym, qyryq üiden qarauyl» degen tärbielık ūstanymmen qyzdy ärqaşan qadaǧalap otyrǧan.
Qazaq qyzdarynyŋ könergen oiyn-sauyq keşterınıŋ bırı – bastaŋǧy. Qazaq tılınıŋ tüsındırme sözdıgınde bastaŋǧyǧa «Auyldyŋ ülkenderı jol jürıp ketkende üide qalǧan äielderı, qyz qyrqyndary bas qosyp, oiyn-sauyq jasaityn salt-yrym» degen sipattama berılgen. Qyzdar mūndai basqosuǧa jeŋgelerımen nemese ını-sıŋlılerımen bırge keletın bolǧan. Keide önerlı jas jıgıtter de şaqyrylǧan. Bastaŋǧy barysynda türlı ūlttyq oiyndar oinalyp, küiler şertılıp, änder aitylǧan. Būl salttyŋ qyzdar üşın ekı türlı tärbielık mänı bar edı. Alǧaşqysy – elmen aralasa aluǧa üiretu. Ekınşısı – qonaq küte bıluge baulu.
Bastaŋǧy rūqsatsyz, baqylausyz jasalmaǧanyn aita ketken jön. Sondai-aq «Şeşesı qydyrmaşy bolsa, qyzy bastanşyl bolady» degen söz bar.
Qazırgı zaman qyz bala tärbiesıne erekşe män berudı qajet etetını anyq. Qazaq qyzdary türlı otyrystarǧa, tüngı klubtarǧa barudyŋ ornyna bastaŋǧy jasaǧandary dūrys siiaqty. Elımız aman bolsyn!
Quanyş Jūmabekūly, PhD doktory
