Shyǵys Qazaqstan oblysyndaǵy balalar úıiniń dırektorlary men esepshileri 63 mıllıon teńgeni jymqyrdy dep kúdiktelýde, dep habarlaıdy «Adyrna» ulttyq portaly.
Alǵash ret bul janjal 2019 jyldyń qańtarynda, Mamandandyrylǵan balalar úıiniń 160 qyzmetkeri Jańa jyl qarsańynda jalaqysyz qalǵan kezde bastalǵan edi. Sodan keıin jelide bas esepshi men balalar úıiniń dırektory 15 mıllıon teńgeni ıemdengenin kópshilik aldynda moıyndaǵan vıdeosy jarııalanǵan bolatyn. Bul aqsha jetim balalardy asyraýǵa arnalǵan qarajat edi.
Aqshasyz qalǵan qyzmetkerler is qozǵalmaıdy dep qorqyp, prokýratýra men BAQ-tan kómek surady. Qylmystyq is qozǵaldy.
«Óskemen qalasynyń N2 sotynda qylmystyq is qozǵaldy. Mamandandyrylǵan balalar úıiniń burynǵy qyzmetkerleri - eks-dırektor, bas esepshi jáne kadrlar bóliminiń mamany bıýdjet qarajatyn jymqyrdy degen aıyptar taǵyldy. . Olar 2015 jyldyń naýryzynan 2018 jyldyń jeltoqsanyna deıin 63 mıllıon teńgeni urlaǵan», dedi Shyǵys Qazaqstan oblystyq soty tóraǵasynyń mindetin atqarýshy Qaırat Chakpantaev.
«Adyrna» ulttyq portaly
