14 sáýirde kólik jónindegi bas memlekettik sanıtarlyq dáriger burynǵy qaýlylarǵa ózgerister men tolyqtyrýlar engizdi, dep habarlaıdy «Adyrna» ulttyq portaly.
Atap aıtqanda, PTR sertıfıkaty bolmaǵan kezde Qazaqstan Respýblıkasynyń azamaty bolyp tabylmaıtyn adamdardy (5 jasqa deıingi balalardy qospaǵanda) Qazaqstanǵa keletin ushaqqa otyrýǵa ruqsat bermeý týraly ereje alynyp tastaldy.
Sonymen birge, halyqaralyq áýejaılardyń basshylary qaýipti aımaqta (qyzyl aımaq) ornalasqan aımaqtarda aeroport ǵımarattaryna shyǵaryp salýshylar men kirip-shyǵýdy shekteýdi qamtamasyz etýi kerek degen qosymsha engizildi.
Qosa ketkende, qaýipti aımaqta (qyzyl aımaq) ornalasqan aımaqtarǵa temirjol vokzaldary ǵımarattaryna shyǵaryp salýǵa jáne kezdesýge kelgenderge shekteý engizildi.
Qaýly qol qoıylǵan kúninen bastap kúshine enedi.
«Adyrna» ulttyq portaly
