Jigerim nege janshýly,
Júregim nege shanshýly,
Urandap atqa qonatyn,
Uldarym nege taýsyldy.
Aıbyndy,rýxty Alashtyń,
Tolaǵaı turpat, taý syndy,
Júregi túkti jigitter,
Estımisiń daýsymdy?!
- Baqytbek Smaǵul
Respýblıkalyq patrıottyq, ádebı-tanymdyq «Ult bolmysy» jýrnaly men Aýǵan soǵysy ardagerler uıymdarynyń «Qazaqstan ARDAGERLERI» qaýymdastyǵy birlese otyryp, «Alashordanyń» qurylǵanyna 100 jyl tolýyna oraı poezııa, proza, jýrnalıstıka jáne dramatýrgııa salalary boıynsha dástúrli «Ult bolmysy ádebı syılyǵy» baıqaýyn jarııalaıdy.
Alash qaıratkerleriniń armany men maqsaty derbes el bolý edi. Biz babalar ańsaǵan sol baqytqa qol jetkizgen urpaqpyz. Alash ıdeıasy – «Máńgilik El» ıdeıasymen ózektes, tamyrlas. Sebebi, eldik, ulttyq murattyń kózdegeni men ańsaǵany bir múdde men ulttyq tutastyq qana. «Alash týy astynda, kún sóngenshe sónbeımiz!» dep áz jandaryn pıda etken arystardyń ólmes, óshpes, erlikterin jyrlap, amanatyn nasıhattaý - ár qazaqtyń qasıetti boryshy hám mindeti.
Baıqaýdyń maqsaty men mindetteri:
Aqyndar men jazýshylardyń qarym-qabiletterin ashyp, shabyttaryna qanat bitirý. Alash arystarynyń qaıratkerlik obrazdaryn jasaý jáne ádebı muralaryn nasıhattaý.
Rýhanııattyń mańyzdy salasy ádebıettiń damýyna at salysý. Jas býyn, jańa esimdermen tolyǵýyna úles qosý.
«Ult bolmysy» ádebı syılyǵy (bireý) – bas júlde Temir tulpar
Júlde qory: poezııa boıynsha
Birinshi oryn — 500 000 teńge
Ekinshi oryn — 200 000 teńge
Úshinshi oryn — 100 000 teńge
Yntalandyrý syılyǵy — 50 000 (ekeý) teńge
Mirjaqyp Dýlatuly atyndaǵy arnaıy júlde (bireý) 150 000 teńge
Júlde qory: proza boıynsha:
Birinshi oryn — 500 000 teńge
Ekinshi oryn — 200 000 teńge
Úshinshi oryn — 100 000 teńge
Yntalandyrý syılyǵy — 50 000(ekeý) teńge
Álıhan Bókeıhan atyndaǵy arnaıy júlde (bireý) 150 000 teńge
Júlde qory: Jýrnalıstıka boıynsha (Esse, ocherk, derekti hıkaıat):
Birinshi oryn — 500 000 teńge
Ekinshi oryn — 200 000 teńge
Úshinshi oryn — 100 000 teńge
Yntalandyrý syılyǵy — 50 000 (ekeý) teńge
Ahmet Baıtursynuly atyndaǵy arnaıy júlde (bireý) 150 000 teńge
Júlde qory: dramatýrgııa boıynsha:
Birinshi oryn — 500 000 teńge
Ekinshi oryn — 200 000 teńge
Úshinshi oryn — 100 000 teńge
Yntalandyrý syılyǵy — 50 000(ekeý) teńge
Qoshke Kemengeruly atyndaǵy arnaıy júlde (bireý) 150 000 teńge
Qatysý sharttary: Baıqaýǵa ár avtordan toptama óleń nemese tolǵaý, ballada, poemalarmen qatar áńgime, hıkaıattar, sondaı-aq, jýrnalıstıka salasy boıynsha esse, ocherk, derekti maqalalar qabyldanady. Baıqaýǵa joldanatyn shyǵarmalar buryn esh jerde jarııalanbaǵan (áleýmettik jelilerde de jarııalanbaǵan) jáne eshqandaı baıqaýlarǵa qatystyrylmaǵan bolýy kerek.
Baıqaýǵa kelip túsken úmitkerlerdiń shyǵarmalary kelisim boıynsha «Qamshy» portalynda jarııalanyp otyrady.
Úzdik shyǵarmalardy «Qamshy» portaly oqyrmandary saýalnama arqyly daýys berip anyqtaıdy.
Oqyrmandar tarapynan joǵary daýys jınaǵan shyǵarmalardy tanymal aqyn-jazýshylardan quralǵan qazylar alqasy ádil saraptaıtyn bolady. Qazylar alqasynyń sheshimi qaıta qaralmaıdy.
Saıysqa túsetin shyǵarmalarǵa qoıylatyn talaptar: Baıqaýǵa túrli jastaǵy aqyndar men jazýshylar, dramatýrgter jáne jýrnalıster qatysa alady;
Baıqaýǵa qatysatyn úmitkerler óz shyǵarmalarymen birge «Ult bolmysy» jýrnalyna bir jylǵa jazylǵany jónindegi Qazposhtanyń túbirteginiń kóshirmesin mindetti túrde birge jiberýi qajet. (Almaty qalasy, Ǵ.Muratbaev kóshesi 23, 407-keńsege, Ult bolmysy jýrnalynyń ındeksi 74479)
Shyǵarmalar naýryzdyń 15-inen 2017 jyldyń 30 qazanyna deıin qabyldanyp, jeńimpazdardy marapattaý 2017 jyldyń 10 qarashasynda kúni Almaty qalasynda ótedi. (ózgerister bolsa qosymsha habarlanady)
Shyǵarmalar tek kompıýterge terilip, elektrondy nusqasy tómende kórsetilgen meken-jaıda qabyldanady;
Shyǵarmanyń elektrondy nusqasy búrkenshik atpen myna elektrondy poshtalarǵa jiberilýi kerek: ultbolmysi@mail.ru
Qatysýshynyń aty-jóni; turǵylyqty meken-jaıy, telefon nómiri, elektrondy adresi, ómirbaıany men shyǵarmashylyǵy týraly qysqasha aqparatty jeke konvertke salyp, Almaty qalasy, Ǵ.Muratbaev kóshesi 23, 407-keńsege, «Ult bolmysy» jýrnalyna jiberýi tıis (Ult bolmysy jýrnalynyń ındeksi 74479). Baılanys telefondary: 8727 2 20 96-66, 87755655762, 87753028671 Saıysqa barlyq sharttarǵa saı (tehnıkalyq, mazmundyq, t.b.) ázirlengen shyǵarmalar ǵana qabyldanady;
Tek qazaq tilindegi shyǵarmalar ǵana qabyldanady;
Barlyq shyǵarmalardyń jazylǵan merzimi kórsetilýi tıis; Qosymsha talaptar: Shyǵarmany kompıýterge Times New Roman qarpimen, 14-keglmen terý kerek.
«Qamshy» kz
