Koronavırýsqa qarsy vakına saldyrǵandar adamdar kóp júretin jerlerge barmaǵany durys. Bul týraly sanıtarlyq-epıdemıologııalyq baqylaý komıteti basqarmasynyń basshysy Nurshaı Ázimbaeva málimdedi.
Ázimbaevanyń aıtýyna qaraǵanda, vakına alǵannan keıin adam ózin jaqsy sezinse, taza aýada serýendeı alady.
«Munyń esh qaýpi joq. Alaıda adamdar kóp shoǵyrlanatyn jerge barmaǵan abzal. Betperde taǵýdy da umytpaǵan jón. Sebebi antıdenelerdiń túzilýi vakınalaýdan soń tek 12-14 kún ótkennen keıin bastalady», – dedi ol.
Sonymen qatar QR Aqparat jáne qoǵamdyq damý mınıstri Aıda Balaeva óziniń ekpe saldyrǵanyn aıtyp, endi qandaı saqtyq sharalaryn saqtaý kerektigin surady.
«Ekpe saldyrǵannan keıin kóp adamnyń ystyǵy kóteriledi. Sondyqtan dene qyzýyn basatyn dári ishýge bolady. Alaıda bul kúı eki kúnnen uzaqqa sozylmaıdy. 2-3 kún monsha men saýnaǵa barmaı, jalpy shomylýdan aýlaq bolý kerek. Sebebi arterıaldy qysym kóterilý qaýpi bar. Al bul aǵzanyń jalpy jaǵdaıyna áser etedi», – dedi densaýlyq saqtaý mınıstrliginiń sarapshysy Ázimbaeva.
Ol býyn men bulshyq ettegi qatty aýyrsyný jaǵdaıynda dárigerge qaralý kerek ekenin de eskertti.
«Eger shydaýǵa bolatyndaı aýyrsyný bolsa, onda arnaıy em qabyldamaýǵa bolady. Eki-úsh kún ótken soń bul sımptomdar ketedi», – dedi ol.
