Batys Qazaqstan oblysynda iri kólemde kıik múıizin satpaq bolǵan brakonerler ustaldy, dep habarlady Polisia.kz.
Polıııa qyzmetkerleri Bókeı ordasy aýdanynyń turǵyndarynan 800-den astam kıik múıizin tárkiledi. Onyń quny shamamen 2 mıllıard teńgege baǵalanyp otyr. Tergeý barysynda ustalǵan adamdardyń osyǵan uqsas basqa da qylmystarǵa qatysy bar ekeni anyqtaldy.
Oqı otyryńyz: Qazaqstannyń eki oblysynda kıikterdi qyryp tastaǵandar ustaldy
Qazirgi ýaqytta olardyń sybaılastary men múıizderdi ótkizetin oryndary anyqtalýda. Bul – sońǵy jyldary brakonerlerden tárkilengen kıik múıiziniń eń iri partııasy.
"Arnaıy operaııa nátıjesinde Bókeı ordasy aýdanynyń 1982 jáne 1994 jyly týǵan úsh turǵynyn ustap, olardan segiz qapshyqqa salynǵan 805 kıik múıizi tárkilendi. Ustalǵan adamdardyń aıtýynsha, olar 2020 jyldyń kúz mezgilinen beri osy ýaqytqa deıin ólgen kıikterdiń múıizin kesip alyp, saqtap kelgen eken. Olar QPK-niń 128-babyna sáıkes ýaqytqa ustaý ızolıatoryna qamaýǵa alyndy", - dep habarlady oblystyń polıııa departamenti.
Olarǵa qatysty Qylmystyq kodekstiń 339-baby 1-bóligi boıynsha sotqa deıingi tergeý bastaldy. Kúdiktiler 3 jyldan 12 jylǵa deıin bas bostandyǵynan aıyrylýy múmkin.
"Birqatar saraptama taǵaıyndaldy, onyń ishinde bıologııalyq jáne trasologııalyq saraptama da bar. Ustalǵan adamdardyń qylmystyq áreketinen kelgen shyǵyn shamamen 2 mıllıard teńge boldy", - delingen habarlamada.
Qazirgi ýaqytta taıaý shetelderde kıik múıizin kóterme baǵamen satyp alýmen aınalysatyn adamdardy anyqtaý úshin jedel-izdestirý is-sharalary júrgizilýde.
Eske sala keteıik, 2021 jyldyń aqpan aıynda Zashaǵan kentinde 1987 jyly týǵan azamat ustalyp, odan 219 kıik múıizi alynǵan bolatyn.
