QR Aqparat jäne qoǧamdyq damu ministrı Aida Balaeva koronavirus vaksinasyn saldyrdy. Būl jaiynda ol «Balaevaǧa 3 sūraq» baǧdarlamasynda aitty, dep habarlaidy QazAqparat tılşısı. «Qazır köŋıl-küiım köterıŋkı, jaqsy. Densaulyǧyma eşqandai äserın tigızgen joq. İnenı salǧan kezde auyratyny bar, säl auyrsynu boldy. Medisina qyzmetkerlerınen jalpy nūsqaulyq sūrap aldym. 2-3 kün densaulyǧymdy kütıp, suyqqa şyqpai, maska kiıp jüru syndy saqtyq şaralaryn oryndaityn bolamyn. Endı 21 künnen keiın ekınşı komponentın alamyn», - dedı ministr. Sonymen qatar ol «Sputnik V» vaksinasyn alǧanyn atap öttı. «Qazaqstandyq vaksina synaqtyŋ üşınşı satysynan ötıp jatqany belgılı. Ony kütpeu üşın bügın reseilık Sputnik V vaksinasyn saldyrdym», - dedı Aida Balaeva. Aqparat ministrınıŋ atap ötuınşe, är adam özınıŋ azamattyq jauapkerşılıgın sezıne bıluı kerek. Öitkenı, būl onyŋ ǧana densaulyǧynyŋ emes bükıl qoǧamnyŋ qauıpsızdıgı.
«Tarihi täjıribe körsetıp otyrǧandai, vaksinasiia - virusty jeŋudıŋ jalǧyz joly. Vaksina saldyrǧannan keiın de qauıpsızdık ıs-şaralaryn eşkım de özgertıp jıbermegenı tüsınıktı. Qalypty ömırge oraluymyz, balalarymyzdy mektepke jıbere aluymyz, jaqyndarymyzben kezdesıp, otbasylyq, sonymen qatar memlekettık deŋgeidegı ıs-şaralardy ötkızuımız üşın ūjymdyq immuniettıŋ qalyptasuy öte maŋyzdy»,- dedı ol.
