Búgin Halyqaralyq Túrki akademııasynda Majarstannyń Syrtqy saýda jáne syrtqy ister mınıstri Peter Sıııarto men Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdiniń qatysýymen Akademııanyń Majarstan baǵytynda shyǵarǵan birqatar kitaptarynyń tusaýkeser rásimi ótti.
Atap aıtqanda, aty ańyzǵa aıtalǵan ǵun ámirshisi Attıla týraly “The Lord of Europe Attila” (Eýropa ámirshisi Atılla) atty ǵylymı eńbek tanystyryldy. Akademııanyń qoldaýymen aǵylshyn tilinde jaryq kórip otyrǵan atalǵan kitaptyń avtorym kórnekti ǵalym, Majarstannyń Mońǵolııadaǵy Tótenshe jáne ókiletti elshisi Borbala Obrýshanskı.
Sonymen qatar, jyr alyby Jambyldyń majar tilindegi tuńǵysh jyr jınaǵynyń tusaýkeser rásimi ótti. Uly dala jyrshysynyń 175 jyldyq mereıtoıy aıasynda jaryq kór ip otyrǵan «Jambyl jyrlary – Dzsambul muvei» jınaǵy qazaq-majar tilderinde salystyrmaly tártippen berilgen óleńdermen qatar, mazmundy zertteý maqalalardy da qamtyǵan. Jınaqty qurastyryp, baspaǵa ázirleýge Hınaıat Babaqumar, Takach Iboıa syndy ǵalymdar atsalysty.
Buǵan qosa, Halyqaralyq Túrki akademııasy men Túrki keńesiniń Býdapeshttegi ókildigi birlesip ázirlegen áıgili majar saıahatshysy, majar túrkologııasynyń negizin qalaýshylardyń biri Armın Vamberı týraly «Túrki dúnıesiniń majar ǵalymy» atty jańa eńbek oqyrmanǵa jol tartty. Tarıhı fotosýrettermen kórkemdelgen shaǵyn kitap Armın Vamberıdiń ómiri men eńbek joly týraly qazaq, aǵylshyn tilderinde syr shertedi.
Sondaı-aq jýyqta jaryq kórgen kórnekti túrkolog Ishtvan Qońyr Mandokıdiń «Úzilmes tamyrlar» atty ǵylymı eńbegi men «Mandokı Qońyr Ishtvan bıblıografııasy» atty kitaptar da kópshilik nazaryna usynyldy.
Akademııasynyń majar baǵytynda jaryq kórgen eńbekteriniń tanystyrylymyna Majarstannyń Syrtqy saýda jáne syrtqy ister mınıstri Peter Sıııarto, Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi, Halyqaralyq Túrki akademııasynyń prezıdenti Darhan Qydyráli, Majarstannyń Qazaqstan Respýblıkasyndaǵy Tótenshe jáne ókiletti elshisi Mıhaı Galoshfaı, sonymen qatar Majarstan delegaııasy, memleket jáne qoǵam qaıratkerleri qatysty.
Kezdesý aıasynda Armın Vamberıdiń ómiri men eńbek jolyna arnalǵan «Túrki dúnıesiniń majar ǵalymy» atty arnaıy kórme uıymdastyryldy.
Sondaı-aq, Peter Sıııarto bastaǵan majar delegaııasy Túrki akademııasy kitaphanasynyń qundy qoljazbalar jáne Qońyr Mandokı qorymen tanysty. Óz kezeginde mártebeli meıman kitaphana qoryna majar tilindegi baǵaly basylymdardy tartý etti.
Túrki akademııasynyń prezıdenti Darhan Qydyráli óz sózinde alqaly jıynnyń kórnekti túrkolog Qońyr Mandokı atyndaǵy kitaphanada ótýiniń sımvolıkalyq máni zor ekenin atap ótti. Akademııa basshysy Majarstan baǵytynda júzege asyp jatqan jobalarmen tanystyra kelip, aldaǵy ýaqytta atqarylatyn jumystardy atap ótti.
Óz kezeginde mártebeli meıman Peter Sıııarto tamyrlas elderdiń ortaq qundylyqtaryn zerttep, halyqtardyń baýyrlastyǵyn arttyrýda Akademııa atqaryp jatqan jumystarǵa rızashylyǵyn bildirip, joǵary baǵalaıtynyn jetkizdi. Sonymen qatar, taraptar ekijaqty ǵylymı yntymaqtastyqty odan ary damytyp, keleshekte birlesken jobalar júrgizýge ýaǵdalasty.
Kezdesý barysynda Darhan Qydyráli mártebeli meıman Peter Sıııarto myrzaǵa arnaıy qurmet kórsetip, Akademııanyń Altyn medalimen marapatady.
Aıta ketý kerek, 2017 jyly Majarstan Halyqaralyq Túrki akademııasyna baqylaýshy mártebesin alyp, Túrki áleminiń yntymaqtastyq ınstıtýttary arasynda osy mártebeni ıelengen alǵashqy memleket boldy.
Akademııa Majarstan men Túrki álemi yqpaldastyǵyn arttyrý maqsatynda birqatar is-sharalardy júzege asyrýda. Atap aıtqanda, Nemet Dıýla, Dıord Almashı, Qońyr Mandokı syndy majar túrkologtarynyń mırasy men taǵylymyna qatysty ǵylymı jobalardy qolǵa alyp, birqatar eńbekterdi jaryqqa shyǵardy.
Halyqaralyq Túrki akademııasynyń
Baspasóz qyzmeti
8705 114 7978
