Almaty oblysyndaǵy Úshtóbe qalasynda 33 jastaǵy áıeldi uryp-soǵyp, zorlady dep aıyptalǵan eki adamǵa qatysty sot proesi aıaqtaldy, dep habarlaıdy Sputnik Qazaqstan saıty.
"NeMolchıKz"qorynyń jetekshisi Dına Tańsári óziniń Facebook paraqshasynda sot úkimi shyqqanyn habarlady. Qor ókilderi barlyq sot otyrysyna qatysqan.
Qylmys 2020 jyldyń qazan aıynda jasalǵan. Ishimdikke sylqııa toıyp alǵan eki er adam túnde uıyqtap jatqan jas kelinshektiń úıine basa-kóktep kirip, zorlaǵan. Áıel ózin qorǵaýǵa tyrysyp, zorlaýshylardyń ekeýine de pyshaqpen jeńil jaraqat salǵan, dep atap ótti Dına Tańsári. Nátıjesinde jalańash úıden qashyp shyǵyp, týystarynan kómek suraǵan.
Polıııa kúdiktilerdi ustap, Qylmystyq kodekstiń 120-baby ekinshi bóligi (Zorlaý) jáne 121-baby birinshi bóligi (Seksýaldyq sıpatta kúsh qoldaný) boıynsha tergeý júrgizdi.
"Ekeýi de kinásin moıyndamaı, aqtaýdy surady. Biraq is boıynsha jınalǵan dálelderdi eskere otyryp, sot aıyptalýshylardyń birin 9 jyl 6 aıǵa, ekinshisin 10 jylǵa bas bostandyǵynan aıyrdy", - dep habarlady Qaratal aýdandyq sotynyń baspasóz qyzmeti.
Prokýror sottalýshylardy 10 jáne 11 jylǵa bas bostandyǵynan aıyrýdy suraǵan. Alaıda sot jazany jeńildetetin keıbir jaǵdaılardy eskerdi (biriniń qaraýynda jas balalary bar bolyp shyqty).
Sot úkimi áli zańdy kúshine engen joq.
