«Salıqaly urpaq» qoǵamdyq qory Taldyqorǵan qalasyndaǵy áleýmettik jaǵynan az qamtylǵan otbasylar, zeınetkerler men múmkindigi shekteýli azamattar, sondaı-aq, kópbalaly, jalǵyzbasty analarǵa «Kóktemniń meıirimdilik qorjyny» azyq-túlik sebetin úlestirdi.
Ár otbasyǵa et konservileri, daqyldar, un, maı, kondıterlik ónimder syndy 11 túrli taýar qamtylǵan, jalpy salmaǵy 50 kılogrammdyq úsh qoraptan turatyn azyq-túlik jıyntyǵy jetkizildi. Qaıyrymdylyq naýqanynyń maqsaty – muqtaj jandarǵa kómek kórsetý, naýryz merekesiniń mán-mańyzyn aıshyqtaý, jaqsylyq pen meıirimdilikti dáripteý. «Salıqaly urpaq» qorynyń dırektory Qasym Qasabekov: «Pandemııa kezeńinde qashyqtan oqytýǵa baılanysty qyrkúıek aıynda Taldyqorǵan qalasyndaǵy oqýshylarǵa 500 noýtbýk syılaǵan bolatynbyz. Indet áli de órship tur. Osy kezeńde qıyndyq kórgen otandastarymyzǵa qol ushyn sozý maqsatynda Ulystyń uly kúni qarsańynda atalmysh akııany uıymdastyrdyq . Bul rette Almaty oblysy men Almaty qalasynyń 1500 az qamtylǵan otbasyna kómek kórsetý josparlanýda»-dedi.
