Reseıdiń áskerı barlaý spýtnıgi orbıtada janyp ketti. «Kosmos-2525» spýtnıginiń atmosferada janyp ketkeni jaıly Soltústik Amerıkanyń áýe-ǵarysh qorǵanys basqarmasy habarlady.
Aqparatqa sáıkes spýtnık 1-sáýirden bastap habar taratýdy toqtatqan. Onyń Tynyq muhıty mańyndaǵy atmosferada janyp ketkeni anyqtaldy.
The Space Review jýrnalyna jazǵan sarapshy Bart Hendrıkstyń zertteýine qarap, spýtnıktiń "Razbeg" barlaýshy spýtnıgi negizinde jasalyp, Reseı áskerıleriniń barlaýyna qoldanylǵanyn túsinýge bolady. Spýtnık Plesek ǵarysh aılaǵynan 2018 jyldyń mamyr aıynda «Soıýz-2.1v» zymyrany arqyly ushyrylǵan. Onyń quny qansha ekeni belgisiz, alaıda birneshe júz myń dollardan bastap, mıllıondaǵan dollarǵa deıin jetýi múmkin deıdi sarapshy.
Spýtnık júıesi Reseıdi áskerı barlaýynyń negizgi bóliginiń biri bolǵan.
Ashat QASENǴALI,
"Adyrna" ulttyq portaly
