Nūr-Sūltan qalasy Bılım basqarmasynyŋ orynbasary Baǧlan Smataeva erteŋnen bastap 1 tamyzǧa deiın 1-synypqa qūjat qabyldau bastalatynyn aitty, dep habarlaidy elorda äkımdıgınıŋ resmi saity.
«Erteŋ, iaǧni 1 säuırden bastap bırınşı synypqa qūjattardy qabyldau bastalyp, osy jyldyŋ 1 tamyzyna deiın jalǧasatynyn aityp ketkım keledı. Ata-analar qūjattaryn «elektrondyq ükımet» portaly arqyly bere alady», - deidı Bılım basqarmasy basşysynyŋ orynbasary Baǧlan Smataeva.Onyŋ aituynşa bırınşı synypqa mynadai qūjattar qajet: - ata-anadan ötınış; - balanyŋ tuu turaly kuälıgı; - densaulyǧy jönınde anyqtama ( № 063/u jäne № 026/u-3 formasy) - balanyŋ üşte tört fotosy ekı dana.
«Al erekşe bılımdı qajet etetın balalardy qabyldau ata-anasynyŋ kelısımımen psihologiialyq-medisinalyq-pedagogikalyq konsultasiianyŋ qorytyndysy negızınde jürgızıletının atap ötkım keledı. Sondai-aq, sanitarlyq normalardy saqtai otyryp, mamandandyrylǧan bılım beru ūiymdaryna konkurstyq ırıkteu 1-20 mausym aralyǧynda offlain (testıleu) rejimınde ötedı, al ötınışterdı qabyldau 1 nauryz ben 15 säuır aralyǧynda erejege säikes säikes ötetının habarlaimyz», - deidı vedomstvo basşysynyŋ orynbasary.Al qosymşa bılım beru ūiymdarynda oqu prosesı ata-analardyŋ ötınışterınıŋ negızınde 10 adamnan aspaityn kezekşı toptarda saǧat 09:00-18:00-ge deiın aldyn ala jazylu boiynşa da jalǧasady.
«Jalpy bılım beretın mektepter janyndaǧy qosymşa bılım beru ūiymdary filialdarynyŋ qyzmetıne tyiym salyndy, filialdar tek jeke ornalasqan üi-jailarda jūmysyn jalǧastyruda», - dedı ol.Sondai-aq, ata-analar barlyq sanitarlyq normalardy qataŋ saqtai otyryp, bırınşı synypqa qūjattardy qaǧaz türınde ūsyna alady.
