Nur-Sultan qalasynyń ákimi Altaı Kólginov Instagram paraqshasynda koronavırýspen kúres qalaı júrip jatqanyn málim etti, dep habarlady «Adyrna» tilshisi elorda ákimdiginiń resmı saıtyna silteme jasap.
«Elorda 21 kún boıy «qyzyl aımaqta» tur. Sońǵy kúnderi táýligine 400-ge jýyq indetke shaldyǵý jaǵdaıy tirkelip otyr. Balalar men zeınetkerler arasynda ınfekııa juqtyrý jıiledi. Infekııalyq staıonarlardaǵy tósek-oryn júktemesi 65%-ke jetti. PTR-zertteýmen turǵyndardy qamtý úshin qalada 24 zerthana jumys istep jatyr. Olardyń táýliktik qýaty – 12 myńnan astam. Medıına qyzmetkerleri, tártip saqshylary, muǵalimder, eriktiler men basqa da qala turǵyndary koronavırýspen kúreste bir jyldan astam ýaqyt boıy aldyńǵy shepte keledi. Ókinishke qaraı, keıbir qala turǵyndary koronavırýsty jeńe almady. Kún saıyn naýqastar reanımaııaǵa túsip jatyr. Kópshiliginiń densaýlyq jaǵdaıy óte aýyr dep baǵalanyp otyr. Bul vırýsty jeńý ońaı emes.
Adamdardyń ómiri men densaýlyǵyna nuqsan keltiretin vırýs. Barsha turǵynnan saq bolýdy, óz densaýlyǵymyz ben aınaladaǵylarymyzdyń densaýlyǵyna nemquraıdy qaramaýdy suraımyn. Syrtqa shyqqan soń aınalańyzdaǵy adamdarǵa qarańyz. Bireýdiń sanıtarııa normalaryn saqtamaýy basqalardyń densaýlyǵyna, tipti ómirine áser etýi múmkin. Barshańyzdy sanıtarlyq-epıdemıologııa talaptaryn qatań saqtaýǵa shaqyramyn: maska taǵyp, adam kóp jınalatyn oryndarǵa barmaý kerek.
Jyl basynan bastap vakınaııa bastaldy. Birinshi bolyp vırýspen kúreste aldyńǵy shepte júrgen medıına, polıııa qyzmetkerleri, muǵalimder vakına aldy. Halyqty vakınalaý sáýir aıynyń ortasynan bastalady dep josparlap otyrmyz. Ujymdyq ımmýnıtet arqyly ǵana vırýsty jeńýge bolady. Qazir qalada birqatar qosymsha karantındik shekteýler qabyldandy. Bul koronavırýstyń taralý qaýpin azaıtýǵa, azamattardy qorǵaýǵa múmkindik beredi», - dep jazdy ol.
«Adyrna» ulttyq portaly
