Iri qalalarda koronavırýstyń úshinshi tolqyny bastalyp jatyr. Bul týraly tikeleı efır barysynda qala ákimi Baqytjan Saǵyntaev aıtty.
"Jazben salystyrar bolsaq, táýligine eki ese kóp jaǵdaı tirkelýde. Bul koronavırýstyń jańa shtammdarymen baılanysty. Almaty qazir qıyn jaǵdaıdy ótkerip jatyr", - dedi Saǵyntaev.
Zertteý barysynda brıtandyq jáne ońtústikafrıkalyq shtammdarǵa uqsas mýtaııalar anyqtaldy.
Qalada barlyǵy 7 011 oryn bar. Olar naýqastardyń jaǵdaıyna baılanysty úshke bólingen: aýyr, ortasha jáne jeńil túri. Qazirgi ýaqytta bes myń tósek-orynnyń 48 proenti bos tur. Infekııalyq aýrýhanalarda 1080 oryn bar, onyń 75 proenti bos emes.
Qala basshynyń sózinshe, qalany túgeldeı jabý týraly másele qarastyrylmaǵan.
"Qalany jappaımyz. Mundaı másele kún tártibinde turǵan joq. Qabyldanǵan sharalar jaǵdaıdy turaqtandyrýǵa múmkindik beredi dep oılaımyz", - dedi qala basshysy tikeleı efırde.
Alda bolatyn barlyq ózgerister, shekteýler vırýs qarqynyna baılanysty bolatynyn da atap ótti.
"20 naýryzdan bastap shekteý engizildi. Epıdemıologııalyq jaǵdaıǵa baılanysty taǵy eki aptaǵa sozý týraly sheshim qabyldadyq. Búgin kásipkerlermen kezdestik, 1,5 saǵat boıy sharalardy talqyladyq. Bıznes tarapynan túsinistik bar. Endi qalalyq bıýdjetti eskere otyra, kásipkerlerge qoldaý kórsetý sharalaryn oılastyratyn bolamyz. Aldaǵy aptanyń sońynda bas qosamyz. Eger jaǵdaı turaqtalsa, shekteý sharalaryn qaıta qarastyratyn bolamyz", - dedi Saǵyntaev.
