Irı qalalarda koronavirustyŋ üşınşı tolqyny bastalyp jatyr. Būl turaly tıkelei efir barysynda qala äkımı Baqytjan Saǧyntaev aitty.
"Jazben salystyrar bolsaq, täulıgıne ekı ese köp jaǧdai tırkelude. Būl koronavirustyŋ jaŋa ştammdarymen bailanysty. Almaty qazır qiyn jaǧdaidy ötkerıp jatyr", - dedı Saǧyntaev.Zertteu barysynda britandyq jäne oŋtüstıkafrikalyq ştammdarǧa ūqsas mutasiialar anyqtaldy. Qalada barlyǧy 7 011 oryn bar. Olar nauqastardyŋ jaǧdaiyna bailanysty üşke bölıngen: auyr, ortaşa jäne jeŋıl türı. Qazırgı uaqytta bes myŋ tösek-orynnyŋ 48 prosentı bos tūr. İnfeksiialyq auruhanalarda 1080 oryn bar, onyŋ 75 prosentı bos emes. Qala basşynyŋ sözınşe, qalany tügeldei jabu turaly mäsele qarastyrylmaǧan.
"Qalany jappaimyz. Mūndai mäsele kün tärtıbınde tūrǧan joq. Qabyldanǧan şaralar jaǧdaidy tūraqtandyruǧa mümkındık beredı dep oilaimyz", - dedı qala basşysy tıkelei efirde.Alda bolatyn barlyq özgerıster, şekteuler virus qarqynyna bailanysty bolatynyn da atap öttı.
"20 nauryzdan bastap şekteu engızıldı. Epidemiologiialyq jaǧdaiǧa bailanysty taǧy ekı aptaǧa sozu turaly şeşım qabyldadyq. Bügın käsıpkerlermen kezdestık, 1,5 saǧat boiy şaralardy talqyladyq. Biznes tarapynan tüsınıstık bar. Endı qalalyq biudjettı eskere otyra, käsıpkerlerge qoldau körsetu şaralaryn oilastyratyn bolamyz. Aldaǧy aptanyŋ soŋynda bas qosamyz. Eger jaǧdai tūraqtalsa, şekteu şaralaryn qaita qarastyratyn bolamyz", - dedı Saǧyntaev.
