Osy áskerı bazanyń qurylysynan keıin Ýkraınanyń NATO-ǵa kirýi nemese kirmeý máselesi sheshimin tabýy múmkin. Ýkraına ózin NATO-ǵa kirýin aldaǵy uzaq merzimdi strategııalyq perspektıvasyna jatqyzady. Bul jaıynda NATO-nyń eks-bas hatshysy Aleksandr Vershboý da málimdedi.
Eger NATO-nyń áskerı bazasy Ýkraınanyń Odessa oblysyna qonystansa, onda Qara teńiz mańynda Reseıdiń soǵys strategııalyq josparlaryna qarsy áreket kúsheıedi. Bul tutas NATO elderiniń Reseıge qarsy yqpaly artady degen sóz. Eger Odessadaǵy áskerı baza qurylysy aıaqtalsa, Soltústik Alıans áskerı blogy Reseıdiń áskerı qımylyn qalt jibermeı baqylap otyrady.
Qazir resmı Kıev Soltústik Alıans pen amerıkalyq áskerı jáne arnaıy qyzmet uıymdary Ýkraınany óziniń yqpalyna alyp otyrǵanyn maquldady.
Kóp uzamaı AQSh-tyń VMS avıalaınerleri men bombalaýshy ushaqtary da Qara teńiz aılaqtarynda boı kórsetetin kúni alys emes dep otyr. Kóp uzamaı Ýkraına NATO-ǵa kirýi múmkin.
Bekbolat QARJAN,
"Adyrna" ulttyq portaly
