Almatyda qaza tapqan 19 jastaǵy Aıajan Edilovanyń týystary boıjetkenniń ólimine qatysty málimdeme jasady, dep habarlaıdy «Adyrna» tilshisi. Bul týraly «NeMolchıKZ» qoǵamdyq qory jazdy.
Marqum "Symbat" dızaın jáne sán akademııasynda oqyǵan. Onyń avtorlyq toptamalary men ınternet-dúkeni de bolǵan. Stýdent óz buıymdaryn satyp, qosymsha sulýlyq salonynda jumys istegen.
«Sol kúni Aıajan jumystan shyǵyp, jataqhanaǵa oralmady. Ol er adammen tanysý úshin kezdesýge barǵan joq, sebebi súıgen jigiti bar edi. Boıjetken ınternet-dúkeniniń jumysy boıynsha beıtanys adammen kezdesken bolýy múmkin»,-dedi týystary.
Qor ókilderiniń aıtýynsha, Aıajan 19 naýryz kúni keshke jumystan saǵat 20.48-de shyqqan. Arýdy jigit jataqhananyń janynda kútip turyp, qońyraý shalǵan. Osydan keıin qyzben baılanys joǵalǵan.
20 naýryz kúni tańerteń izdeý bastaldy. Týystary polıııaǵa saǵat 12:00-de habarlasqan. Alaıda olar shaǵymdy birden qabyldamaǵan. Aıajannyń dostary men eriktiler qosylyp, taksı qyzmetinen surastyra bastaıdy.
21 naýryzda eriktiler taksı júrgizýshisin Indriver qosymshasy arqyly tabady. Ol Aıajandy qaıda aparǵanyn aıtyp, tapsyrysty Rýslan esimdi azamattyń bergenin málimdeıdi. Bul mekenjaı polıııaǵa habarlanyp, sodan keıin olar abonenttik nómirdiń bazalyq stanııasy arqyly qyzdy izdeýge kóshedi.
Túngi saǵat 23:00 shamasynda qyzmetkerler atalǵan mekenjaıǵa jetedi. Alaıda polıeıler Aıajannyń týystaryn ishke kirgizbegen.
«Páterge eki jedel járdem kóligi kelip, jaralanǵan er adamdy alyp shyqty. Komıssar bizge boıjetkenniń joq ekenin aıtyp, tańerteń kelýimizdi ótindi»,-deıdi týystary.
Marqumnyń aǵasy qaryndasynyń ólimi týraly sýyq habardy Instagram jelisinen bilgenin aıtty. Polıııa bul týraly qalaı habarlaýdy bilmegenderin alǵa tartqan.
«Aıajan qatigezdikpen óltirildi. Ol bólshektelgen kúıinde tabylǵan. Marqumnyń týystary ol jalǵyz qurban bolmaýy múmkin ekenin aıtady»,- dedi qor basshysy Dına Tańsári.
Aıta keteıik, 19 jasar qyzdy óltirdi degen kúdikpen 1993 jylǵy Túrkistan oblysynyń turǵyny ustaldy.
«Adyrna» ulttyq portaly
