Türkıstan qalasynda älemde teŋdesı joq "ūşatyn" teatr aşylady. Erekşe mädeni nysan Samūryq qūstyŋ alyp jūmyrtqasy formasynda salynady, dep habarlaidy "Adyrna" ūlttyq portaly Türkıstan oblysy äkımınıŋ baspasöz qyzmetıne sılteme jasap.
Ūşatyn teatr Türkıstan qalasynyŋ mädeni-ruhani ortalyǧynda ornalasqan "Keruen sarai" turistık keşenınde boi köteredı.
Qaladaǧy qūrylys alaŋdaryn aralaǧan oblys äkımı Ömırzaq Şökeev demalys ortalyǧyn aşuǧa daiyndyq barysymen tanysty.
"Joba avtorlarynyŋ aituynşa, qiial-ǧajaiyp ortalyq Samūryq qūstyŋ jūmyrtqasy aŋyzyna negızdelgen. Kielı Samūryq qūs Bäiterektıŋ būtaǧyndaǧy ūiasyna kelıp, kün beinelı altyn jūmyrtqa salady. Däl osy altyn tüstı alyp jūmyrtqa kelbetındegı erekşe teatrda Bäiteregımız siiaqty siqyrly ertegıler elıne, qazaq halqynyŋ tarihyna jaŋa tehnologiialardyŋ kömegımen, 8 D formatta äserlı saiahat jasauǧa bolady", - delıngen habarlamada.Teatr-muzeide Qazaqstannyŋ ötkenı, bügını men keleşegı körsetıledı. Oblys äkımdıgı şyǧys ülgısınde salynǧan keşen qala qonaqtarynyŋ süiıktı demalys ornyna ainalatynyna senımdı. Türkıstan qalasynyŋ äkımşılık ıskerlık ortalyǧy aumaǧynda äkımşılık ǧimarattar men köpqabatty 24 üidıŋ qasbetterın bır ülgıde jaryqtandyru jūmystary jürgızılude. Qaladaǧy ǧimarattardyŋ ainalasy kögaldandyrylyp, jaryqtandyrylyp jatyr. Qalanyŋ basty köşelerıne tüngı jaryqtandyru jūmystary jürgızıldı. Sondai-aq, Iаsaui kesenesınıŋ aldynda erekşe jaryq şamdar ornatyldy. Minskıden arnaiy aldyrylǧan aǧaş keipındegı baqşa jaryq şamdary tünde ainalany san aluan tüske bölese, kündız salqyn su şaşyp, aptap ystyqtan qorǧaidy.
