Almaty taýlarynda qar kóshkini júrýi yqtımal, dep habarlaıdy "Adyrna" ulttyq portaly zakon.kz saıtyna silteme jasap.
26-27 naýryzda Úlken jáne Kishi Almaty ózenderinde (2100 m bıiktikte) taý basyndaǵy qardyń erýiniń jáne turaqsyz jaǵdaıdyń áserinen jaýyn-shashynǵa baılanysty qar kóshkini júrýi múmkin dep boljap otyr Qazgıdromet RMK.
Qar kóshkinin yqtımaldylyǵyna baılanysty, qaýipti betkeılerge barý usynylmaıdy.
Qar kóshkini kezinde qandaı áreketke barǵan jón?
- Qar jaýyp turǵan ýaqytta jáne qolaısyz aýa-raıynda taýǵa shyqpańyz;
- Taýda bolǵanda, aýa-raıyna nazar aýdaryńyz;
- Qar kóshkini júrýi múmkin jerlerden aýlaq bolyńyz (kóbinese olar taý betkeılerinde bolady);
- Qar kóshkininen qaýipsiz jerge tez qozǵalyńyz;
- Eger qar kóshkininen qashyp ketý múmkin bolmasa, zattardan arylyńyz, kóldeneń kúıde turyńyz, tizeńizdi asqazanǵa qoıyńyz, deneńizdi qar kóshkini qozǵalysynyń baǵytyna baǵyttańyz;
- Eger siz qar kóshkinine tússeńiz, muryn men aýyzdy qolǵappen, sharfpen jabyńyz, qar kóshkininde júzý qozǵalystarymen shetine qaraı jyljyńyz;
- Qar kóshkini toqtaǵan kezde bet pen keýde tusyn tazalańyz, tynys alýǵa oryn jasańyz;
- Aıǵaılaýdyń paıdasy joq, qar dybystardy tolyǵymen ózine sińirip alyp ony múlde estirtpeıdi, óz kúshińizdi únemdeńiz;
- Joǵarǵy aımaq pen tómendi anyqtap alyńyz (aýzyńyzdaǵy silekeıdi joıyńyz), múmkindiginshe tezirek shyǵýǵa tyrysyńyz, aıaǵyńyzdyń astyndaǵy qardy qozǵap, ony taptańyz;
- «112», «109» jedel nómirin terińiz.
"Adyrna" ulttyq portaly
