Qazaqstanda eki oblysta aýa-raıynyń qolaısyzdyǵyna baılanysty tasjoldar jabyldy, taǵy bir óńirde jol qozǵalysyna shekteý engizilip otyr, dep habarlaıdy “Adyrna” ulttyq portaly "QazAvtoJol" ulttyq kompanııasynyń resmı saıtyna silteme jasap.
Portalda joldardaǵy jaǵdaıǵa baılanysty aqparat jarııalanyp otyrady. Oǵan sáıkes, qazirgi kezde "Nur-Sultan - Temirtaý", "Nur-Sultan - Shiderti" tasjoldary, sondaı-aq, "Stepnoı-Shiderti" jol ýchaskesi jabyq tur.
Al Pavlodar oblysynda aýa-raıynyń qolaısyzdyǵyna "Pavlodar-Severnoe" (ary qaraı Reseı shekarasyna deıin)" tasjoly tolyǵymen jabyldy.
Shyǵys Qazaqstan oblysynda Jylandy aýylynan bastap Pavlodar oblysyndaǵy Aqqýly aýylyna deıingi jol ýchaskesi jabyq. Al Semeı qalasynan Reseı shekarasyna deıingi tasjolda dızeldi jáne qoǵamdyq kóliktiń qozǵalysyna shekteý engizilip otyr. Budan bólek, "Óskemen-Serebrıansk" baǵytynda tirkemesi bar júk kólikterge ázirshe júrýge bolmaıdy.
Aıta keteıik, keshe joldardyń jabylýyna qatysty tolyq aqparatty myna jerden kórýge bolady. Sondaı-aq kompanııanyń baılanys ortalyǵyna (1403) habarlasyp, qajetti málimet alýǵa múmkindik bar.
