Qaraǵandy oblysynyń Qyzyljar aýylynda turatyn 111 jastaǵy Túımekúl ájeı áli kúnge quraq kórpe tigip, qymyz ashytady, dep habarlaıdy «Adyrna» tilshisi «Habar 24»-ke silteme jasap.
Qyzyljar aýylyna túsken kez kelgen qonaq Túımekúl ájeıdiń shańyraǵyna soǵyp, batasyn alýǵa asyǵady. Alystan qymyzyn ańsap keletinder de bar eken.
Túımekúl Temirbaeva 1910 jyly Jambyl oblysynda dúnnıege kelip, keıin turmysqa shyqqan soń Aıazbaı aqsaqalmen Arqa jerine qonys aýdarady. Sodan uzaq jyl jylqy baǵyp, mal sharýashylyǵymen aınalysqan.
«Jylqyshyǵa kómekshi bolyp júrdim. Eki jyldaı Qaraǵandyǵa bıe saýyp, qymyz ashytyp jiberip otyrdyq. Eginshilerge de jiberdik. Shalym jylqy baǵady. Barmaǵan jerimiz joq»,-deıdi keıýana.
Ashtyqty, soǵysty kórgen keıýana 8 qursaq kótergen. Qazir 54 jastaǵy eń kenje ulynyń qolynda turady. 20-ǵa jýyq nemeresi men 30-dan astam shóberesi bar áje búginde bir ǵana áýlettiń emes, bútin bir aýyldyń ázız anasy. Qart ananyń estý qabileti azdap joǵalǵanmen kózi jaqsy kóredi. Inege jipti ózi sabaqtap, is tigedi. Bilgenin kelinderi men nemerelerine úıretýden jalyqqan emes.
«Qarty bar úıdiń qazynasy bar» demekshi, apamyz aq jaýlyǵy jelbirep, kishkentaı kezimizden bizge bar tárbıesin berdi. Asyrady, ósirdi. Kishkentaı kezimizde ertegi aıtyp beretin, odan mektepke barǵanda tamaǵymyzdy beretin. Keıin ósken soń, sharýaǵa ilikken soń bıe saýýdy, sıyr saýýdy úıretti. Qymyzdy da baptaýdy bilemiz, qolymyzdan barlyǵy keledi, Allaǵa shúkir, apamyz úıretip jatyr»,-dedi nemeresi Aıtolqyn Aıazbaı.
«Adyrna» ulttyq portaly
