Áleýmettik jelilerde 76 jastaǵy jalǵyzbasty zeınetkerdiń úıine aldap kirip, pyshaqpen qorqytyp, baǵaly buıymdary men aqshasyn alyp ketken kúdikti týraly aqparat taraǵan edi. Óz kezeginde turǵyndar chattar arqyly saq bolý qajettiligi týraly habarlamalar taratqan, – dep habarlaıdy «Adyrna» tilshisi Polisia.kz-ke silteme jasap.
Atyraý oblysy Polıııa departamentiniń qyzmetkerleri júrgizgen arnaıy jedel-izdestirý is-sharalary barysynda osy qylmysty jasaýǵa qatysy bar Mahambet aýdanynda týǵan 31 jastaǵy azamat ustaldy. Óz kinásin tolyq moıyndaǵan kúdiktiden aıǵaq zat retinde altyn buıymdar alyndy.
Aıta keteıik, kúdikti 14 naýryz kúni saǵat 08:00 shamasynda jábirlenýshiniń úıine zańsyz kirip, 1945 jyly týǵan azamatshany úshkir zatpen qorqytyp, túrli kýpıýralardan turatyn 14 000 teńge aqshasy men altyn buıymdaryn alyp ketken. Keltirilgen zalal 114.000 teńge. Atalǵan derek boıynsha Atyraý qalasynyń №2 polıııa bólimi Qylmystyq kodekstiń 192-babynyń 3-bóligimen (Qaraqshylyq) sotqa deıingi tergep-tekserý júrgizýde. Kúdikti ýaqytsha ustaý ızolıatoryna qamaýǵa alyndy. Ózge aqparat Qylmystyq-proestik kodekstiń 201-babyna sáıkes jarııalaýǵa jatpaıdy.
«Adyrna» ulttyq portaly
