Dástúrli H Naýryz kezdesýleri aıasynda Almatydaǵy fızıka-matematıka baǵytyndaǵy Nazarbaev Zııatkerlik mektebiniń oqýshysy Ibrahım Ámzebek «Kópirshikti sýdy tazartý júıesi» atty jańa jobasyn tanystyrdy, dep habarlaıdy «Adyrna» tilshisi.
Onlaın rejımde ótken bıylǵy mereıtoılyq kezdesýler «Planeta jáne plastık: adamzat ekomádenıeti» taqyrybyna arnalady.
Sý tazartý júıesi arnaıy tehnologııanyń kómegimen ózen men aryqtarda jınalǵan qaldyqtardy avtomatty túrde tazartýǵa kómektesedi.
«Mysaly, mynaý ózendi nemese arnany dep elesteteıik. Biz rezervýardyń túbine dıagonal boıynsha tesikteri bar qubyr qoıdyq. Aýa sorǵysynyń kómegimen ol jerge aýa jetkizedi. Tútiksheden aýa kópirshikteri shyǵady, osylaısha olar qoqysty ári qaraı ótkizbeıdi. Aǵynnyń kómegimen barlyq qoqystar bir jerge jınalady. Keıin qaldyqtar sol jerden konveıerdiń kómegimen jınalady»,- deıdi jas ónertapqysh.
Búginde dúnıejúzilik sý qorlarynyń lastanýy búkil adamzatty alańdatyp otyr. Osy mańyzdy ekojúıelerdiń lastanýy ómirge jáne planetada tuy sýdyń bolýyna qaýip tóndiredi. Ózender jáne olarmen baılanysty ekojúıeler bizdi tamaq pen óndiristik proesterge qajetti aýyz sýmen qamtamasyz etedi, sondyqtan olar adamnyń ál-aýqaty úshin óte qajet.
«Shamamen eki aptadan keıin jasandy aǵyn júıesi iske qosylady. Sý tazartýǵa kómektesetin jobammen túrli jarystarǵa qatysýdy josparlap otyrmyn. Jobaǵa qarjylyq turǵydan qoldaý kórsetetin jan izdeımin»,- dedi ol.
Ibrahım Ámzebek qazir 9 synypta oqıdy. 2018-2019 jyldary VEX IQ saıynda Qazaqstan chempıony atandy. Sondaı-aq Amerıka qurama shtattarynda ótken «Worlds VEX IQ» konkýrsynda júldeli oryn aldy.
«Adyrna» ulttyq portaly
