Gazdan ýlanǵan 5 adamnyń ólimine sebepker bolýy múmkin

2634
Adyrna.kz Telegram

Gazdan ýlanǵan bes adamnyń qaza bolýyna kúdikti retinde Túrkistan qalasynyń turǵyny ustaldy, – dep habarlaıdy «Adyrna» tilshisi Polisia.kz-ke silteme jasap.

Túrkistan oblysy PD Tergeý basqarmasynyń óndirisinde Túrkistan qalasynyń jergilikti turǵyn úıleriniń birinde ýly gazben ýlanyp, bes adamnyń qaza bolýyna baılanysty sotqa deıingi tergeý jumystary júrgizilýde.

Atalǵan jaıt Túrkistan qalalyq polıııa basqarmasynda SDTBT-ǵa QR QK-niń 292-baby 3-bóligi (Órt qaýipsizdigi talaptaryn buzý) boıynsha tirkeldi. Polıııa qyzmetkerleri bolǵan oqıǵanyń aýyrlyǵy men qoǵamdyq rezonans týdyrýyna baılanysty jedel-tergeý sharalaryn atqardy. Onyń ishinde saraptamalar taǵaıyndalyp, kýágerlerden jaýaptar alynyp, qajetti degen barlyq jumystar júrgizildi.

– Ýly gazdan bir otbasynyń bes birdeı múshesi qaza bolyp, bizdiń oblysta úlken rezonans týdyrdy. Túrkistan oblysy Tergeý basqarmasymen atalǵan jaıtqa baılanysty QR QK-niń 306-baby (Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetterdi kórsetý) boıynsha sotqa deıingi tergeý áreketteri júrgizilýde. Búgingi tańda bul qylmysty jasady degen kúdiktilerdiń biri Túrkistan qalasynyń turǵyny ustaldy. Ol gaz ornatý fırmalarynyń birinde dırektor. Tııanaqty júrgizilgen tergeý jumystarynyń aıasynda onyń iske qatysy bar ekeni dáleldendi. Biz kúdiktiler sanynyń artýyn joqqa shyǵarmaımyz. Sondyqtan tergeý jalǵasady, – dep atap ótti Túrkistan oblysy Polıııa departamenti Tergeý basqarmasynyń bastyǵy Nurmahan Jalǵasov.

Esterińizge sala keteıik, aqpan aıynyń sońynda Túrkistan qalasyndaǵy jer úılerdiń birinde bes adam, ıaǵnı áıel men onyń tórt balasy qaza tapqan. Qazanyń sebebi – ýly gazdan ýlaný. Oqıǵa ornyna Túrkistan oblysy Polıııa departamenti bastyǵy, TJD bastyǵy, ákimdik jáne basqa da qyzmet ókilderi barǵan bolatyn. Tergeý barysyn Túrkistan oblysynyń ákimi Ómirzaq Shókeev jeke baqylaýyna aldy.

«Adyrna» ulttyq portaly

Pikirler