Memlekettik kirister komıteti kásipkerlerdi QR-kod arqyly sáıkestendirý jobasyn bastady. Sonyń kómegimen chek bermegen nemese tarazydan jegen saýdagerdiń ústinen shaǵym túsirýge bolady, dep habarlaıdy resmı saıt.
Ol úshin tutynýshylar jabyq bazarlar, saýda úıleri, dúkender men pavılondar aýmaǵynda kóterme jáne bólshek saýda jasaıtyn kásipkerler memlekettik kirister komıtetiniń portalyndaǵy (kgd.gov.kz) "Aqparattyq resýrstar" qosymsha arqyly shtrıh-kodty (QR-kodty) júkteýi tıis.
"Sol arqyly kásipkerdiń JSN/BSN-y, ataýy, baqylaý-kassa mashınasynyń ornalasqan jeri, salyq tóleýshiniń mártebesi, alkogol ónimine lıenzııanyń bar-joǵy jáne taǵy basqa aqparat sáıkestendiriledi", – delingen resmı habarlamada.
Al satyp alýshylar QR-kodtyń kómegimen kez kelgen ýaqytta kásipkerdiń ústinen shaǵym túsire alady. Ol úshin shtrıh-kodty skanerleý kerek.
"Mysaly, fıskaldy chek berilmese, bank kartasyn qabyldamaǵan jaǵdaıda nemese alkogol ónimine lıenzııasy bolmasa, satyp alýshy uıaly telefonynyń kómegimen QR-kodty skanerlep, pılottyq jobaǵa qatysýshy kásipkerdiń ústinen memlekettik kirister organyna shaǵym joldaı alady", – deıdi komıtet mamandary.
Shaǵym túskennen keıin memlekettik kirister organynyń ınternet-resýrsynda tekseris týraly sheshim jarııalanady. Biraq ony úsh kún buryn ornalastyrý qajet. Osydan keıin mamandar beıne tirkeý nemese fotofıksaııa quraldaryn alyp, saýda ornyna vızýaldy tekseris jasaıdy. Ázirshe, pılottyq jobaǵa ashyq bazarlar qatyspaıdy.
