Jeksenbi, 21 naýryz kúni elordada lokdaýn engiziledi, dep habarlady ákimdiktiń baspasóz qyzmeti.
Mundaı sheshimge Nur-Sultan qalasynyń koronavırýs taralýy boıynsha "qyzyl aımaqqa" enýi sebep bolǵan.
"Jeksenbide saýda oıyn-saýyq ortalyqtary, saýda úıleri, saýda ortalyqtary(olarda ornalasqan dárihanalardy, sondaı-aq tamaq ónimderi men birinshi kezekte qajetti zattardy satatyn jáne ornalasqan jerine qaramastan qyzmetine ruqsat etilgen obektilerdi qospaǵanda), jabyq azyq-túlik emes bazarlar, azyq-túlik emes taýar satatyn nysandar, jabyq sport obektileri, HQO, "Qazposhta" AQ sekildi mekemelerdiń jumys isteýine tyıym salynady", - delingen aqparatta.
Sondaı-aq, dezınfekııalyq jumystar júrgizilýine baılanysty jeksenbi kúni qoǵamdyq kóliktiń jumysy toqtatylady.
Senbi jáne jeksenbi kúnderi fıtnes-ortalyqtardyń, fıtnes-klýbtardyń, sporttyq-saýyqtyrý obektileriniń, saýnalardyń, SPA-ortalyqtardyń ("sary aımaq" talaby qoldanylatyn "Ashyq" pılottyq jobasyna qatysatyn obektilerdi qospaǵanda) jumysyna tyıym salynady.
"Qaladaǵy epıdemıologııalyq jaǵdaı turaqsyz. Ótken mereke kúnderinen keıin koronavırýs ınfekııasyn juqtyrýshylar sany kúrt kóbeıdi. Osyǵan baılanysty qosymsha karantındik shekteýleri bar qaýly 18 naýryzdan bastap qoldanysqa engiziledi", - dedi Nur-Sultan qalasynyń bas memlekettik sanıtarlyq dárigeri Sarhat Beısenova.
Onyń aıtýynsha, indettiń órshýine jol bermeý kerek. Sondyqtan Naýryz meıramyna oraı buqaralyq is-sharalar ótkizýge tyıym salynady.
"Medıınalyq uıymdar men medıına qyzmetkerlerine shamadan tys júkteme bolmas úshin qatań sanıtarlyq normalar saqtalýy qajet, ıaǵnı betperde taǵyp, áleýmettik qashyqtyqty saqtaý kerek", - dedi ol.
18 naýryzdan bastap qoǵamdyq tamaqtaný nysandarynyń (meıramhanalar, dámhanalar, barlar, ashanalar) jumys ýaqyty saǵat 07:00-den 22:00-ge deıin qysqarady.
Sondaı-aq 18 naýryzdan bastap kınoteatrlar men kınorýmdardyń jumysyna tyıym salynady.
