Nur-Sultan qalasy Qazaqstan halqy assambleıasynyń uıymdastyrýymen elorda Dostyq úıinde Maslenıa merekesi atap ótildi dep habarlaıdy «Adyrna» ulttyq portaly Qazaqstan Halyq Assambleıasyna silteme jasap.
Is-sharanyń negizgi maqsaty – Qazaqstanda turyp jatqan etnostardyń ádet-ǵuryptary men salt-dástúrlerin qurmetteý, olardyń mádenıetaralyq úlgisin kórsetý, qoǵamdaǵy halyqaralyq kelisimdi jáne turaqtylyqty nyǵaıtý.
Merekege Qazaqstan halqy Assambleıasy atynan saılanǵan 9 depýtat, Reseıdiń Qazaqstandaǵy elshiliginiń ókili men Nur-Sultan qalasy Ishki saıasaty basqarmasynyń basshysy qatysty. Shara barysynda merekege oraı pisirilgen myń quımaq taratylyp, ystyq shaı berildi.
Konerttik baǵdarlama kezinde «Kýkla-Maslenıa», «Bogatyr» beınebaıqaýlary men balalar arasynda ótken shyǵarmashylyq konkýrstyń qorytyndysy shyǵarylyp, jeńimpazdarǵa baǵaly syılyqtar men alǵyshattar tabys etildi. Konerttik baǵdarlama aıaqtalǵannan keıin Dostyq úıiniń aldyna qoıylǵan saban qýyrshaǵyn órteý rásimi boldy.
Sonymen qatar Taraz qalasynyń Dostyq úıinde Maslenıa merekesi atalyp ótti.
Is-sharany «Radonej» orys qaýymdastyǵy, Jambyl oblysy ákimdiginiń ISB «Qoǵamdyq kelisim» KMM uıymdastyrdy. Merekelik jıynǵa «Radonej» orys qaýymdastyǵynyń ujymdary, №2 jalpy orta bilim berý mekemesiniń muǵalimder quramy men oqýshylary, etnomádenı birlestikterdiń ókilderi – «Dnıpro» ýkraın etnomádenı ortalyǵy, «Aınýry» tatar-bashqurt etnomádenı ortalyǵy, Jambyl oblysynyń nemister qoǵamy, oblystyq orys drama teatrynyń shyǵarmashylyq toptary, balalar shyǵarmashylyǵy ortalyǵynyń bı ujymdary men ánshileri, sondaı-aq oblystyq jáne qalalyq BAQ ókilderi qatysty. Shara barysynda qonaqtar «Shırokaıa Maslenıa» teatrlandyrylǵan qoıylymyn tamashalap, dástúrli orys quımaqtarynan aýyz tıdi. Is-shara sońynda Dostyq úıi ǵımaraty mańynda saban qýyrshaǵyn saltanatty órteý rásimi ótkizildi.
Sol sııaqty Qyzylorda qalasynyń Dostyq úıinde «Slavıane» qoǵamdyq mádenı-ortalyǵy» qoǵamdyq birlestigi jáne «Qoǵamdyq kelisim» KMM uıymdastyrýymen Maslenıa merekesi ótti.
«Slavıane» qoǵamdyq mádenı-ortalyǵy» qoǵamdyq birlestiginiń jetekshisi Galına erbakova merekeniń mán-maǵynasyn túsindirip, oǵan atsalysqan barsha jandarǵa alǵys aıtty. Sharada etnomádenı birlestik jetekshileriniń qatysýymen túrli oıyndar ótkizildi. Sondaı-aq, táttiler men qolóner týyndylary kórmege qoıyldy.
Maslenıa merekesiniń dástúrli taǵamy quımaq qatysýshylarǵa tegin taratyldy. Shara sońynda qýyrshaq jaǵý rásimi boldy.
