Toıhanalar ashyldy: 50 adamǵa deıin ruqsat

1228

Qyzylorda oblysynda banket zaldaryna as berýge ruqsat berildi. Oblystyń Bas memlekettik sanıtarııalyq dárigeriniń jańa qaýlysynda zalda adam sany 50-den, al tolymdyǵy 30 paıyzdan aspaýy qajettigi kórsetilgen, dep habarlaıdy “Adyrna” ulttyq portaly Nege.kz saıtyna silteme jasap.

Jańa qaýlyda mektepke deıingi mekemelerdiń jumysyna belgilengen talaptardy oryndaǵan jaǵdaıda ǵana ruqsat berilip otyr. Degenmen, toptardy biriktirip is-sharalar ótkizýge ruqsat joq. Sondaı-aq, ata-analardy jáne erip júretin adamdardyń ǵımaratqa kirýine ruqsat berilmeıdi.

Al, jalpy bilim beretin mekemelerde mektepaldy synyptar, 1-5-inshi synyptar, halyqaralyq mektepterde 1-7-synyptar, oqýshylar sany 25-ke deıingi ózge synyptardy aralas formatta oqytýǵa ruqsat berildi. «Qazirgi tańda bizdiń oblys «jasyl» aımaqta tur. Osyǵan oraı jańa qaýlyda aımaqtaǵy karantın talaptary jeńildetilgen.

Degenmen, birqatar shekteýler áli de bar. Máselen, oıyn-saýyq is-sharalaryn, kórmelerdi, forýmdardy, konferenııalardy ótkizýge tyıym salynǵan.

Sondaı-aq, otbasylyq, saltanatty, estelik is-sharalardy (banketter, úılený toılary, mereıtoılar) uıymdastyrýǵa bolmaıdy. Iaǵnı, úıde jáne adamdar kóp jınalatyn ózge de sharalardy ótkizýge, býkmekerlik keńselerdiń, balalardy saýyqtyrý lagerleriniń qyzmetine tyıym jalǵasady. Merekelik korporatıvterdi uıymdastyrý men ótkizýge de osyndaı shekteý bar», – dedi oblystyń Bas memlekettik sanıtarııalyq dárigeri Dınara Jańabergenova.

Pikirler
Redakııa tańdaýy